மத்திய கிழக்கு மோதல்: சிக்கியிருந்த 163 மலேசியர்கள் நாடு திரும்பினர்

Surendran Sumdraraj
11 Mar, 2026

சிப்பாங், மார்ச் 11-

மத்திய கிழக்கு மோதலால் சிக்கியிருந்த 163 மலேசியர்கள் இன்று மதியம் 12.32 மணிக்கு கோலாலம்பூர் அனைத்துலக விமான நிலையம் (KLIA) டெர்மினல் 1-இல் பாதுகாப்பாக வந்து சேர்ந்தனர்.

சவுதி அரேபியாவின் ஜெத்தாவிலிருந்து புறப்பட்ட மலேசியா ஏர்லைன்ஸ் சிறப்பு சார்ட்டர் விமானமான MH8503 மூலம் மொத்தம் 170 பேர் கொண்ட குழு நாடு திரும்பியது. பிராந்தியத்தில் ஏற்பட்ட விமான சேவை பாதிப்பு மற்றும் வான்வெளி மூடல் காரணமாக அவர்கள் அங்கு சிக்கியிருந்தனர்.

அந்த பயணிகளுள் 163 பேர் மலேசியர்கள். மேலும் ஏழு பேர் மலேசியர் அல்லாத குடும்ப உறுப்பினர்கள்; அதில் ஐந்து பேர் தாய்லாந்து குடியினரும், ஒருவர் இந்தோனேசியரும் மற்றொருவர் மொராக்கோ நாட்டவரும் ஆவர்.

இந்த விமானப் பயணம், ஆசிய மேற்கு மோதல் பகுதிகளில் இருந்து மலேசியர்களை மீட்க மேற்கொள்ளப்பட்ட சிறப்பு வெளியேற்ற நடவடிக்கையின் ஒரு பகுதியாகும். இந்த நடவடிக்கையை தேசிய பாதுகாப்பு கவுன்சில் (MKN) ஒருங்கிணைத்து, வெளியுறவு அமைச்சு மற்றும் வெளிநாடுகளில் உள்ள மலேசிய தூதரகங்கள் இணைந்து செயல்படுத்தின.

Your email address will not be published. Required fields are marked *

முக்கிய செய்தி