மலாய்காரர் அல்லாதோர் விவகாரத்தில் பாஸ் மீது மட்டுமே பழி சுமத்தக்கூடாது! – பாஸ் துணைத் தலைவர்
- Shan Siva
- 10 Jan, 2026
காஜாங், ஜன 10: அடுத்த PN உச்ச மன்றக் கூட்டத்தில் முகைதீன் யாசின் பதவி விலகுவது உறுதி செய்யப்பட்ட பின்னரே, புதிய தலைவரை நியமிப்பது குறித்து பெரிகாத்தான் நேஷனல் விவாதிக்கும் என்று PAS துணைத் தலைவர் துவான் இப்ராஹிம் துவான் மான் தெரிவித்துள்ளார்.
PN தலைவரின்
ராஜினாமாவை (உச்ச கவுன்சில் கூட்டத்தில்) நாங்கள் உறுதிப்படுத்த விரும்புவதால்,
முகைதீனை மாற்றுவதற்கு இன்னும் வேட்பாளர் இல்லை. அது
முடிந்த பின்னரே, நான்கு உறுப்புக்
கட்சிகளும் அமர்ந்து மாற்றம் குறித்து முடிவுசெய்யபப்டும் என்று அவர்
செய்தியாளர்களிடம் கூறினார்.
பாஸ் இன்னும்
பதவிக்கான வேட்பாளர்களின் பட்டியலை சமர்ப்பிக்கவில்லை என்று அவர் கூறினார்.
ஜனவரி 1 ஆம் தேதி முகைதீன் PN தலைவர் பதவியில் இருந்து விலகினார். அதைத் தொடர்ந்து
பெர்சாத்து தலைவர்கள் பலர் கூட்டணியில் தங்கள் பதவிகளைத் துறந்தனர. அவர்களில்
அஸ்மின் அலி, அகமது பைசல்
அசுமு, டாக்டர் சஹ்ருதீன் ஜமால்
மற்றும் ஹனிபா அபு பக்கார் ஆகியோர் அடங்குவர்.
பாஸ் தலைவர்
அப்துல் ஹாடி அவாங் கட்சிக்காக PN தலைவர் பதவிக்கு
உரிமை கோரியுள்ளார். ஆனால் அவர் முகைதீனின் வாரிசாக இருக்கக்கூடாது
என்றும் கூறினார்.
PAS இலிருந்து
சாத்தியமான வாரிசுகளாக துவான் இப்ராஹிம் மற்றும் கட்சியின் உதவித் தலைவர் மற்றும் திரெங்கானு
மந்திரி பெசார் அஹ்மத் சம்சூரி மொக்தார் ஆகியோர் பரிந்துரைக்கப்பட்டுள்ளது.
மத அறிஞர்கள்
மற்றும் பயிற்சியின் மூலம் விண்வெளிப் பொறியாளரான சம்சூரி போன்ற நிபுணர்களைக்
கொண்ட திறமையான தலைவர்களைக் கொண்டுள்ளது PAS என்பதை துவான்
இப்ராஹிம் மீண்டும் வலியுறுத்தினார்.
PAS தலைமையிலான PN
மலாய்க்காரர் அல்லாத சமூகங்களை
அந்நியப்படுத்தும் என்ற கருத்தையும் அவர் நிராகரித்தார்.
மலாய்க்காரர்கள்
மத்தியிலோ அல்லது மலாய்க்காரர்கள் அல்லாதவர் மத்தியிலோ, பாஸ் தலைமையிலான
மாநிலங்களில் எந்த சர்ச்சையும்
எழுந்ததில்லை என்று அவர்
கூறினார். பாஸ் அரசாங்கம்
நடைமுறையில் உள்ள கிளந்தான், திரெங்கானு மற்றும் கெடாவைப் பற்றி அவர்
குறிப்பிட்டார்.
பகாங்
எதிர்க்கட்சித் தலைவரான துவான் இப்ராஹிம், மலாய்க்காரர் அல்லாதவர்களின் ஆதரவைப் பெறுவதில் பெரிக்காத்தானின் உறுப்புக் கட்சிகள் தோல்வியடைந்ததற்கு பாஸ் மீது மட்டும்
பழி சுமத்தக்கூடாது என்று அவர் நினைவூட்டினார்!
Leave a Reply
Your email address will not be published. Required fields are marked *
தேடல்
செய்தி வகை
