2026 உலகக் கோப்பை: 24 மணி நேரத்தில் 1.5 மில்லியன் டிக்கெட் விண்ணப்பங்கள்!
- Tamil Malar (Reporter)
- 12 Sep, 2025
ஜூரிச், செப். 13-
செய்தி-வெற்றி மைந்தன்
அனைத்துலக கால்பந்து சம்மேளனமான பிபா, 2026 உலகக் கோப்பைக்கான
டிக்கெட் விற்பனை தொடங்கிய 24 மணி நேரத்தில் 210 நாடுகளைச் சேர்ந்த கால்பந்து ரசிகர்களிடமிருந்து 1.5 மில்லியனுக்கும் அதிகமான டிக்கெட் விண்ணப்பங்களைப் பெற்றுள்ளதாக
வியாழக்கிழமை அறிவித்தது. இந்த அபரிமிதமான வரவேற்பு, உலகக்
கோப்பையின் உலகளாவிய ஈர்ப்பைப் பிரதிபலிக்கிறது.
அமெரிக்கா, மெக்சிகோ, கனடா ஆகிய மூன்று நாடுகளில் நடைபெறவுள்ள இந்தத்
தொடருக்கான டிக்கெட் கோரிக்கைகளில், இந்த மூன்று தொகுப்பு
நாடுகளைச் சேர்ந்த ரசிகர்கள் முன்னிலை வகிக்கின்றனர். இவர்களைத் தொடர்ந்து
அர்ஜென்டினா, கொலம்பியா, பிரேசில்,
இங்கிலாந்து, ஸ்பெயின், போர்ச்சுகல், ஜெர்மனி ஆகிய நாடுகளின் ரசிகர்களும் கணிசமான விண்ணப்பங்களை
அளித்துள்ளனர்.
48 அணிகள் பங்கேற்கும் இந்தப் புதிய விரிவாக்கப்பட்ட உலகக் கோப்பையில்,
மூன்று நாடுகளில் உள்ள 16 நகரங்களில் மொத்தம் 104
போட்டிகள் நடைபெற உள்ளன. இந்த மாபெரும் தொடரின் மீதான உலகளாவிய
ஆர்வத்தை இந்த விரைவான ரசிகர் பதில்கள் வெளிப்படுத்துகின்றன. இத்தொடரின் மகத்தான
தன்மையும், கால்பந்து உலகில் அதன் முக்கியத்துவமும் இந்த
டிக்கெட் கோரிக்கைகளின் எண்ணிக்கையில் தெளிவாகத் தெரிகிறது.
Leave a Reply
Your email address will not be published. Required fields are marked *
தேடல்
செய்தி வகை
