ஈரானிலிருந்து 24 பேர் பாதுகாப்பாக மலேசியா திரும்பினர்!

Shan Siva
23 Jun, 2025

சிப்பாங், ஜூன் 23: ஈரானில் அதிகரித்து வரும் மோதலைத் தொடர்ந்து, அந்நாட்டில் இருந்து வெளியேற்றப்பட்ட 17 மலேசியர்கள் உட்பட மொத்தம் 24 பேர் பாதுகாப்பாக நாடு திரும்பியுள்ளனர்.

மலேசிய ஏர்லைன்ஸ் விமானம் MH781 மூலம் நேற்று இரவு 11.03 மணிக்கு KLIA முனையம் 1 இல் அவர்கள் தரையிறங்கினர்.

அவர்களை வெளியுறவு அமைச்சின் துணை பொதுச் செயலாளர் (இருதரப்பு விவகாரங்கள்) அஹ்மத் ரோஜியன் அப்துல் கானி வரவேற்றார்.

இந்தக் குழுவில் 17 மலேசியர்கள், மலேசிய குடிமக்களைச் சார்ந்துள்ள ஆறு ஈரானிய குடிமக்கள் மற்றும் ஒரு சிங்கப்பூர் நாட்டவர் இருந்தனர்.

குழுவை வழிநடத்திய ஈரானுக்கான மலேசிய தூதர் கைரி உமர், தெஹ்ரானில் இருந்து வெளியேற சுமார் 1,000 கி.மீ தூரம் நிலம் வழியாக பயணிக்க வேண்டியிருந்தது என்று ஊடகங்களுக்குத் தெரிவித்தார்.

தாக்குதல்களைத் தவிர்க்க, மேற்கிலிருந்து வந்த ஒரு பாதையை தேர்ந்தெடுத்ததாகவும், துர்க்மெனிஸ்தான் அரசாங்கத்திடமிருந்து வலுவான ஒத்துழைப்பு கிடைத்ததால், வெளிநாட்டினர் எல்லையைக் கடக்க அது அனுமதித்தது என்றும் அவர் கூறினார்.

மேலும், சுமார் 12 மலேசியர்கள் இன்னும் ஈரானில் இருப்பதாகவும், அவர்களின் பாதுகாப்பை உறுதி செய்வதற்காக விஸ்மா புத்ரா அவர்களின் நிலைமையை உன்னிப்பாகக் கண்காணித்து வருவதாகவும் அவர் கூறினார்.

Susulan konflik di Iran, seramai 24 individu termasuk 17 rakyat Malaysia berjaya dibawa pulang dengan selamat ke tanah air melalui penerbangan MH781. Mereka menempuh perjalanan darat sejauh 1,000 km sebelum keluar ke Turkmenistan dengan kerjasama pihak berkuasa tempatan.

Your email address will not be published. Required fields are marked *

முக்கிய செய்தி