போலியான ஜொகூர்-சிங்கப்பூர் வீட்டு மானியத் திட்டத்தால் 30 லட்சம் ரிங்கிட் இழப்பு!
- Muthu Kumar
- 15 Nov, 2025
கோலாலம்பூர், நவ 15:
கடந்த செப்டம்பர் மாதத்திலிருந்து போலியான ஜொகூர்-சிங்கப்பூர் வீட்டு மானியத் திட்டத்தால் 30 லட்சம் ரிங்கிட்டுக்கும் அதிகமாக இழப்பு ஏற்பட்டதாக நம்பப்படுகிறது. குறைந்தது இது தொடர்பாக 21 வழக்குகள் சிங்கப்பூர் அதிகாரிகளிடம் பதிவாகியுள்ளன.
மானிய விலையில் வீடுகளை வழங்குவதற்காக சிங்கப்பூர் மற்றும் ஜொகூர் அரசாங்கங்களுக்கு இடையேயான கூட்டு முயற்சி என்று இந்தத் திட்டத்திற்கான விளம்பரங்கள் பொய்யாகக் கூறப்பட்டதாக சிங்கப்பூர் காவல்துறை தெரிவித்தது.
பேஸ்புக் மற்றும் வாட்ஸ்அப் போன்ற ஆன்லைன் தளங்களில் JBSG வீட்டு மானியத் திட்டம்" அல்லது "ஃப்ரீ ஹோம்ஸ் அக்ராஸ் தி காஸ்வே" விளம்பரங்களைப் பார்த்ததாக பாதிக்கப்பட்டவர்கள் தெரிவித்தனர்.
சில விளம்பரங்களில் சிங்கப்பூர் மற்றும் மலேசியாவின் பிரதமர்களின் கையொப்பங்கள் போலியாகச் சேர்க்கப்பட்ட ஆவணங்கள் இருந்ததாக காவல்துறை தெரிவித்துள்ளது. மோசடி செய்பவர்களுடன் தொடர்பு கொள்ள பாதிக்கப்பட்டவர்களை WhatsAppக்கு வழிநடத்தும் இணைப்புகள் விளம்பரங்களில் இருந்தன.
பின்னர் பாதிக்கப்பட்டவர்கள் இந்த சந்தேகத்திற்கிடமான இணைப்புகள் மூலம் அவர்களின் IC எண்கள், வீட்டு முகவரிகள் மற்றும் மின்னஞ்சல் முகவரிகள் உள்ளிட்ட தனிப்பட்ட தகவல்களை வழங்குமாறு கேட்டுக்கொள்ளப்பட்டனர்.சில சந்தர்ப்பங்களில், பாதிக்கப்பட்டவர்கள் "சட்ட மற்றும் முத்திரை வரிகளுக்கு" ஆன்லைனில் பணத்தை மாற்றவோ அல்லது அந்நியர்களுக்கு பணத்தை வழங்கவோ கேட்டுக்கொள்ளப்பட்டனர்.
இதனை அடுத்து தனிப்பட்ட தகவல்களைப் பகிரவோ அல்லது அடையாளங்களைச் சரிபார்க்க முடியாத நபர்களுக்கு பணம் கொடுக்கவோ வேண்டாம் என்று சிங்கப்பூர் காவல்துறை பொதுமக்களை வலியுறுத்தியது.
இந்த ஆண்டின் முதல் பாதியில் சிங்கப்பூரில் கிட்டத்தட்ட (RM1.6 பில்லியன் ரிங்கிட் மோசடிகள் மூலம் இழக்கப்பட்டது, இந்தக் காலகட்டத்தில் கிட்டத்தட்ட 20,000 வழக்குகள் பதிவாகியுள்ளதாகத் தெரிவிக்கப்பட்டுள்ளது.
Leave a Reply
Your email address will not be published. Required fields are marked *
தேடல்
செய்தி வகை
