குவாந்தானில் RM 355,000 மதிப்புள்ள 59,000 லிட்டர் டீசல் பறிமுதல்

Shan Siva
04 May, 2026

கோலாலம்பூர், மே 4: குவாந்தானில் உள்ள மலேசியா-சீனா குவாந்தான் தொழிற்பேட்டையில் இன்று நடத்தப்பட்ட ஒரு நடவடிக்கையில், உள்நாட்டு வர்த்தகம் மற்றும் வாழ்க்கைச் செலவு அமைச்சக அதிகாரிகள் 355,000 ரிங்கிட் மதிப்புள்ள 59,000 லிட்டர் டீசலைப் பறிமுதல் செய்தனர்.

இந்த நடவடிக்கை 'ஆபரேஷன் டிரிஸ் 4.0'-இன் கீழ் மேற்கொள்ளப்பட்டதாக அமைச்சகத்தின் பகாங் இயக்குநர் ஜெஸ்லிலி ஜமாலுதீன் தெரிவித்தார்.

சரியான உரிமம் இல்லாமல் டீசலைச் சேமித்து வைக்க அந்த வளாகம் பயன்படுத்தப்பட்டு வந்ததை அமலாக்க அதிகாரிகள் கண்டறிந்தனர்.

சுமார் 57,000 லிட்டர் டீசல் கொண்ட ஐந்து ஸ்கிட் டேங்குகளும், சுமார் 2,000 லிட்டர் டீசலை ஏற்றிச் சென்ற ஒரு தொழில்துறை டேங்கர் லாரியும் பறிமுதல் செய்யப்பட்டன.

டீசல் போன்ற கட்டுப்படுத்தப்பட்ட பொருட்களின் முறைகேடுகளைத் தடுக்க, அமைச்சகம் தனது அமலாக்க நடவடிக்கைகளைத் தீவிரப்படுத்தும் என்று ஜெஸ்லிலி கூறினார்!

Your email address will not be published. Required fields are marked *

முக்கிய செய்தி