• Shan Siva
• 28 Jun, 2024

நிபோங் தெபால், ஜூன் 28: சுங்கை பக்காப் இடைத்தேர்தல் வாக்காளர்கள், குறிப்பாக இளைஞர்கள், ஒற்றுமை அரசாங்கத்தின் வேட்பாளரை பிரதிநிதித்துவப்படுத்துவதற்கு வாய்ப்பளிக்க வேண்டும் என்று பிரதமர் டத்தோஸ்ரீ அன்வார் இப்ராகிம் நினைவூட்டியுள்ளார்.

இதனை அடுத்து, பிரதமரின் மூத்த அரசியல் செயலாளர் டத்தோஸ்ரீ ஷம்சுல் இஸ்கந்தர் முஹமட் அகின், சுங்கை பக்காப்பில் அதிக உள்கட்டமைப்பு திட்டங்கள் மற்றும் மேம்பாடுகளை முழுமையாக செயல்படுத்த பிரதமரின்  இந்த நினைவூட்டல் முக்கியமானது என்றார்.

இப்போது பினாங்கு அரசாங்கம் கூட்டாட்சி அரசாங்கத்துடன் ஒத்துப்போகிறது... மாநில அரசுக்கும், பிரதமருக்கும் உதவி செய்யக்கூடிய வேட்பாளரை ஆதரிக்க உதவுங்கள்" என்று கம்போங் சுங்கை துரி சமூக இயக்கக் கூடத்தில் மடானி பி40 பசுமை இல்லத் திட்டத்தை நிறைவேற்றிய பின்னர் செய்தியாளர்களிடம் அவர் கூறினார்.

நாட்டின் 10வது பிரதமரின் பிறப்பிடமான சுங்கை பக்காப் பகுதியைப் பற்றி அன்வார் கவலைப்படுவதாகவும், அப்பகுதியில் உள்ள உள்ளூர் மக்கள் மீது எப்போதும் கவனம் செலுத்துவதாகவும், அவர்களில் மஸ்ஜித் லாமா சுங்கை பக்காப்பின் வளர்ச்சிக்காக 7 மில்லியன் ரிங்கிட் ஒதுக்கப்பட்டதாகவும் அவர் கூறினார்.

முன்னதாக, ஷம்சுல் அப்பகுதியில் உள்ள 500 குடும்பங்களுக்கு சியாரிகட் ஆலம் மஜு மடானி நிறுவனத்திலிருந்து கத்தரிக்காய், ஓக்ரா மற்றும் மிளகாய் நாற்றுகள் வடிவில் நன்கொடைகளை வழங்கினார்!