• Shan Siva
• 28 Jun, 2024

பெட்டாலிங் ஜெயா, ஜூன் 28: 2018 பொதுத் தேர்தலில் பக்காத்தான் ஹராப்பான் வெற்றி பெற்றதைத் தொடர்ந்து, டாக்டர் மகாதீர் முகமது, லிம் குவான் எங்கிற்கு நிதி இலாகாவை "டிஏபியை சமாதானப்படுத்த" கொடுத்தார், ஆனால் அவர் மலாய் மேலாதிக்கத்தைப் பாதுகாக்க அரசாங்கத்துடன் இணைக்கப்பட்ட நிறுவனங்களின் (ஜிஎல்சி) கட்டுப்பாட்டை அகற்றினார் என்று ஷட்டர்ட் ஹோப்ஸ் புத்தகத்தில் எழுத்தாளர் ரோமென் போஸ் குறிப்பிட்டுள்ளார்.

 டிஏபி போன்ற கட்சிகளுடனும், லிம் கிட் சியாங்கை நாடாளுமன்றத்தின் சபாநாயகராக ஆக்குவது போன்ற சில கோரிக்கைகளுடனும் மகாதிர் மிகவும் சிரமப்பட்டார் என்று அதில் தெரிவிக்கப்பட்டுள்ளது.

இருப்பினும், முக்கிய கேபினட் பதவிகளை அளித்து, குவான் எங்கை நிதியமைச்சராக நியமிப்பதன் மூலம் கட்சியின் விசுவாசத்தை 'வாங்க' மகாதீரால் முடிந்தது என்று மகாதிருக்கு நெருக்கமான அதிகாரிகள் கூறியதாகத் தெரிவிக்கப்பட்டுள்ளது.

 மகாதீருக்கு தான் டிஏபியுடன் வேலை செய்ய வேண்டும் என்று தெரியும், ஆனால் அவர் சீன தலைமையிலான கட்சிக்கு "குறிப்பிடத்தக்க அதிகாரத்தை" கொடுப்பார் என்று அர்த்தம் இல்லை என்று போஸ் கூறினார்.

குவான் எங்கிற்கு நிதி இலாகா வழங்கப்பட்டாலும், சக்தி வாய்ந்த மற்றும் இலாபகரமான GLC துறையின் கட்டுப்பாட்டை (மேல்) மகாதீர் அகற்றினார், பின்னர் அது (பொருளாதார விவகார அமைச்சர்) அஸ்மின் அலிக்கு வழங்கப்பட்டதாக அப்புத்தகத்தில் குறிப்பிடப்பட்டுள்ளது,.

கசானா நேஷனல் மற்றும் PNB போன்ற நிறுவனங்கள் பின்னர் பிரதமர் துறையின் கீழ் வைக்கப்பட்டது. மகாதீர் தன்னை கசானா தலைவராக்கினார். மற்ற அனைத்து GLCக்களும் அஸ்மினின் அமைச்சகத்தின் கீழ் வைக்கப்பட்டத.

இதன் விளைவாக, குவான் எங் தனது சொந்த அமைச்சகத்தின் மீது மட்டுப்படுத்தப்பட்ட கட்டுப்பாட்டைக் கொண்டிருந்தார்.

 “டிஏபியால் என்னைக் கட்டுப்படுத்த முடியும் என்று நீங்கள் நினைத்தால் நீங்கள் என்னை அவமதிப்பதாக நான் நினைக்கிறேன” என்று ஒரு நேர்காணலில் மகாதீர் தெரிவித்ததை அப்புத்தகம் கூறுகிறது!