எல்லாவற்றுக்கும் மகாதீரே காரணம்! - குமுறும் மலாய் தலைவர்கள்
- Shan Siva
- 03 Apr, 2026
கோலாலம்பூர், ஏப் 3: மலாய் மக்களின் ஒற்றுமையின்மைக்கும் போராட்டங்களுக்கும் அவர்களே காரணம் என்று முன்னாள் பிரதமர் டாக்டர் மகாதீர் முகமது கூறியதை அடுத்து, மூன்று மலாய் கட்சிகளின் தலைவர்கள் அவரைக் கடுமையாகச் சாடியுள்ளனர்.
முன்னாள் பிரதமர், அம்னோவிலிருந்து பிரிந்து பெர்சாத்து கட்சியை நிறுவியதாகவும், பின்னர் அதிலிருந்து விலகி, மலாய் வாக்குகளை மேலும் பிளவுபடுத்திய பெஜுவாங் என்ற மற்றொரு கிளைக் கட்சியைத் தொடங்கியதாகவும் அமானா இளைஞர் தலைவர் ஹஸ்பி மூடா சுட்டிக்காட்டினார்.
மகாதீர் உண்மையிலேயே ஒற்றுமைத் திட்டத்தில் உறுதியாக இருந்தால், அவர் அம்னோவிற்குத் திரும்புவதன் மூலம் அதை நிரூபிக்க வேண்டும் என்று ஹஸ்பி கூறினார்.
அம்னோ உச்ச மன்ற உறுப்பினர் புவாட் சர்காஷி, மலாய் கட்சிகள் அரசியல் ஆதிக்கத்தை இழப்பதற்குத் தானே காரணம் என்பதை மகாதீர் உணரத் தவறிவிட்டார் என்று கூறினார்.
முதலில் அரசியலில் இருந்து ஓய்வு பெற்ற பிறகு, மீண்டும் ஆட்சிக்கு வர வேண்டும் என்ற மகாதீரின் ஆசையே இந்த ஒற்றுமையின்மைக்குக் காரணம் என்றும் அவர் கூறினார்.
அது தோல்வியடைந்தபோது, அவர் அம்னோவைப் பிளவுபடுத்தி, பெர்சாத்துவை உருவாக்குவதன் மூலம் கட்சியை 'ஒழிக்க' விரும்பினார். இறுதியில், அவர் தோல்வியடைந்தார், ஒரு பெரிய மலாய் குடையை நிறுவுவதற்கான அவரது கடைசி முயற்சியும் தோல்வியடைந்தது என்று தற்போது செயலிழந்த கெரக்கான் தானா ஏர் (GTA) கூட்டணியைக் குறிப்பிட்டு அவர் கூறினார்.
மலாய் இனத்தை ஒன்றிணைப்பதில் மகாதீர் உண்மையாக இருந்தால், அவர் தனது அகந்தையை ஒதுக்கி வைத்துவிட்டு, அம்னோவின் "ருமா பங்சா" முன்னெடுப்பில் சேர வேண்டும் என்றும் ரெங்கிட் சட்டமன்ற உறுப்பினர் அவருக்கு சவால் விடுத்தார்.
அம்னோ இப்போது மீண்டும் எழுச்சி பெற்று வருவதால், அவர் தனது மகன் முக்ரிஸ் மற்றும் அவரது விசுவாசமான ஆதரவாளர்களுடன் அம்னோவில் மீண்டும் இணைவதே சிறந்த மற்றும் பகுத்தறிவுமிக்க நடவடிக்கையாக இருக்கும் என்று புவாட் கூறினார்.
முன்னதாக, கட்சிகளின் பெருக்கம் மலாய்காரர்களைப் பிளவுபடுத்தி, அவர்களை ஒருவருக்கொருவர் எதிராக நிறுத்தியுள்ளதால், எந்தவொரு மலாய் கட்சியும் அரசியல் களத்தில் ஆதிக்கம் செலுத்த முடியாது என்று மகாதீர் கூறினார்.
தவறு மலாய்கரர்களிடமே உள்ளது என்று மகாதீர் கூறினார்.
Leave a Reply
Your email address will not be published. Required fields are marked *
தேடல்
செய்தி வகை
