வான் சைஃபுல் வான் ஜான், வான் அகமது ஃபைசால் உட்பட கட்சியின் முக்கியத் தலைவர்கள் நீக்கம்! - பெர்சாத்து அதிரடி
- Shan Siva
- 14 Oct, 2025
கோலாலம்பூர், அக் 14: கட்சியின்
அரசியலமைப்பு மற்றும் நடத்தை விதிகளை மீறியதற்காக, தசேக் குளுகோர் நாடாளுமன்ற உறுப்பினர் வான் சைஃபுல் வான்
ஜானை பெர்சத்து பதவி நீக்கம் செய்துள்ளது. மேலும் மாச்சாங்
நாடாளுமன்ற உறுப்பினர் வான் அகமது ஃபைசல் வான் அகமது கமாலை இடைநீக்கம்
செய்துள்ளது.
பெர்சாத்துவின்
ஒழுங்குமுறை வாரியம், அஸ்ருதீன்
இட்ரிஸ், பைசல் அஸ்மர், ஃபத்லி இஸ்மாயில், மற்றும் இசா சைதி ஆகிய நான்கு தலைவர்களையும்
வெளியேற்றியுள்ளது.
பெர்சத்து தலைவர்
முகைதீன் யாசினைக் கவிழ்க்கும் நோக்கில் "சட்டப்பூர்வ அறிவிப்பு
இயக்கத்தில்" அந்தக் குழு ஈடுபட்டதாகவும், சமீபத்தில் ஒரு அதிகாரப்பூர்வ நிகழ்வின் போது ஏற்பட்ட
கலவரத்தில் அவர்கள் பங்கு வகித்ததாகவும் கூறப்படும் குற்றச்சாட்டுகள் மீது இந்த
நடவடிக்கை எடுக்கப்பட்டுள்ளதாக கூறப்படுகிறது.
புகார்களை
விசாரித்து, அக்டோபர் 8 ஆம் தேதி பிரதிவாதிகளை விசாரணைக்கு
அழைத்ததாகவும், பின்னர் அவர்களை
ஒழுங்கு நடவடிக்கைக்கு உட்படுத்தியதாகவும் வாரியம் தெரிவித்துள்ளது.
விசாரணைகள்
நடத்தப்பட்டு உரிய பரிசீலனையின் அடிப்படையில் வாரியத்தின் முடிவு எடுக்கப்பட்டது.
எந்தவொரு வெளிப்புற தலையீடும் இல்லாமல், பாரபட்சமற்ற முறையில் இந்த முடிவு எடுக்கப்பட்டது.
பெர்சாத்துவின்
நற்பெயரைப் பாதுகாக்க, கட்சியின்
அரசியலமைப்பு மற்றும் உறுப்பினர்களின் நெறிமுறைகள் மற்றும் நடத்தை விதிகளுக்குக்
கட்டுப்படுமாறு அனைத்து பெர்சாத்து உறுப்பினர்களையும் வாரியம் கேட்டுக்கொள்கிறது என்று அது கூறியது.
இந்த முடிவை
எதிர்த்து மேல்முறையீடு செய்ய அவர்களுக்கு 14 நாட்கள் அவகாசம் உள்ளது.
Leave a Reply
Your email address will not be published. Required fields are marked *
தேடல்
செய்தி வகை
