• Shan Siva
• 29 Aug, 2024

பெட்டாலிங் ஜெயா, ஆகஸ்ட் 29: பெர்சாத்து தலைவர் முகைதின் யாசினுக்கு எதிராக தேசத்துரோகச் சட்டத்தைப் பயன்படுத்தியதற்காக பிரதமர் அன்வார் இப்ராகிம் மற்றும் பக்காத்தான் ஹராப்பான் அரசாங்கத்தின் தலைவர்கள் பாசாங்குக்காரர்கள் என்று அக்கட்சியின் பொதுச் செயலாளர் ஹம்சா ஜைனுதீன் தெரிவித்துள்ளார்.

 தமது முகநூலில் அவர் நேற்று இரவு வெளியிட்டுள்ள ஓர் அறிக்கையில், அதிகாரத்திற்கு வந்த பிறகு, தேசத்துரோகச் சட்டத்தை மீண்டும் மீண்டும் கொடூரமாகப் பயன்படுத்தியதற்காக அன்வார் மற்றும் பக்காத்தான் ஹராப்பானுக்கு எதிராக அவர் குற்றம் சாட்டினார்.

 அன்வார் மற்றும் பக்காத்தான் ஹராப்பான் தலைவர்களின் பாசாங்குத்தனத்தை பெர்சாத்து கடுமையாகக் கண்டிக்கிறது, அவர்கள் 15வது பொதுத்தேர்தலுக்குப் பிறகு அரசாங்கத்தை அமைத்தால், 'கடுமையான சட்டத்தை' அகற்றுவதாக  அறிக்கையில் உறுதியளித்தனர்.

 ஆனால், முரண்பாடாக, அவர்கள் அரசாங்கமாக ஆனதிலிருந்து தங்கள் அரசியல் எதிரிகளுக்கு அழுத்தம் கொடுக்கவும் ஒடுக்கவும் இந்தச் சட்டத்தை மீண்டும் மீண்டும் கொடூரமாகப் பயன்படுத்துவதாக அவர் தெரிவித்துள்ளார்!