வீட்டுக்குள் சூதாட்டம்! ஜலான் செந்தூல் பசாரில் ஐவர் கைது!

Shan Siva
03 Jan, 2026

கோலாலம்பூர், ஜன 3: கோலாலம்பூர், ஜாலான் செந்துல் பசாரில் உள்ள ஒரு வீட்டைச் சோதனை செய்த போலீசார், கனடா நாட்டுக் குடிமகன் உட்பட ஐந்து பேரைக் கைது செய்துள்ளனர்.

23 முதல் 42 வயதுக்குட்பட்ட அவ்வாடவர்கள் போக்கர் விளையாடும் போது சூதாட்டத்தில் ஈடுபட்டதாகக் கூறி கைது செய்யப்பட்டதாக பெரித்தா ஹரியான் தெரிவித்துள்ளது.

கோலாலம்பூர் காவல் தலைமையகத்தின் துணை, சூதாட்ட எதிர்ப்பு மற்றும் ரகசிய சங்கங்கள் (D7) பிரிவு, வீட்டில் வசித்த உள்ளூர் நபர் ஒருவர் இந்த விளையாட்டை நடத்தியதாகக் கூறியது.

போக்கர் விளையாட்டில் பங்கேற்பாளர்கள் என சந்தேகிக்கப்படும் மேலும் மூன்று உள்ளூர் ஆண்களும் கனடா நாட்டு பிரஜை ஒருவரும் கைது செய்யப்பட்டனர்.

சோதனையின் போது போக்கர் சில்லுகள், அட்டைகள் மற்றும் ஒரு போக்கர் பாய் ஆகியவற்றை போலீசார் பறிமுதல் செய்தனர்.

விசாரணைக்கு உதவ அனைத்து சந்தேக நபர்களும் இன்று வரை காவலில் வைக்கப்படுவார்கள் என்றும் தொடர்ந்து விசாரனை நடைபெற்று வருவதாகவும் தெரிவிக்கப்பட்டுள்ளது!

Your email address will not be published. Required fields are marked *

முக்கிய செய்தி