ஈரான் மீது அமெரிக்கா அதிரடி தாக்குதல்
- Surendran Sumdraraj
- 26 May, 2026
வாஷிங்டன், மே 26-
ஈரான் மீது அமெரிக்கா மீண்டும் வான்வழி தாக்குதல் நடத்தியுள்ள சம்பவம் மத்திய கிழக்கு பிராந்தியத்தில் புதிய பதற்றத்தை ஏற்படுத்தியுள்ளது. அமெரிக்க படைகள் மற்றும் கடற்படை கப்பல்களுக்கு அச்சுறுத்தலாக இருந்த ஏவுகணை தளங்கள் மற்றும் கடற்படை படகுகள் மீது “தற்காப்பு நடவடிக்கை” என்ற பெயரில் தாக்குதல் நடத்தப்பட்டதாக அமெரிக்க மத்திய கட்டளைத் தளம் (CENTCOM) தெரிவித்துள்ளது.
அமெரிக்க ராணுவம் தெற்கு ஈரானில் உள்ள Bandar Abbas பகுதியைக் குறிவைத்து தாக்குதல் நடத்தியதாகவும், ஹார்முஸ் கடல்சந்தியில் கண்ணிவெடிகள் பதித்ததாகச் சந்தேகிக்கப்படும் ஈரான் புரட்சிகர காவல் படையின் இரண்டு படகுகள் அழிக்கப்பட்டதாகவும் தகவல்கள் வெளியாகியுள்ளன. மேலும், அமெரிக்க போர் விமானங்களுக்கு அச்சுறுத்தலாக இருந்த ஏவுகணை ஏவுதளமும் தாக்கப்பட்டதாகக் கூறப்படுகிறது.
இந்த தாக்குதலுக்கு பின்னர், அமெரிக்கா – ஈரான் இடையிலான சமாதான பேச்சுவார்த்தை மீண்டும் சிக்கலான சூழ்நிலைக்குத் தள்ளப்பட்டுள்ளது. கத்தார் தலைநகர் டோஹாவில் நடைபெற்று வரும் பேச்சுவார்த்தையில், ஹார்முஸ் கடல்சந்தி திறப்பு, போர்நிறுத்த நீட்டிப்பு மற்றும் ஈரானின் அணு திட்டம் தொடர்பான விவாதங்கள் நடைபெற்று வருகின்றன.
அமெரிக்க வெளியுறவு செயலாளர் Marco Rubio, “ஒப்பந்தம் இன்னும் சில நாட்களில் எட்டப்படலாம்” என்று நம்பிக்கை தெரிவித்திருந்தாலும், இரு தரப்புக்கும் இடையிலான நம்பிக்கையின்மை தொடர்வதாக அரசியல் ஆய்வாளர்கள் கூறுகின்றனர்.
Leave a Reply
Your email address will not be published. Required fields are marked *
தேடல்
செய்தி வகை
