நான் ஒன்றும் அரசியல் தவளை அல்ல! - நஜிப் மகன் விளக்கம்
- Shan Siva
- 23 Jul, 2024
பெட்டாலிங் ஜெயா: மாநில அரசைக் கவிழ்க்கும் முயற்சியில் எதிர்க்கட்சி தலைவர்களை சந்தித்ததாக வெளியான வதந்திகளை பகாங் நிர்வாக கவுன்சிலரும், நஜிப்பின் புதல்வருமான நிசார் நஜிப் மறுத்துள்ளார்.
பெரமு ஜெயா சட்டமன்ற உறுப்பினருமான அவர், இதுபோன்ற விசித்திரக் கதை சந்திப்புகள் ஒருபோதும் நடந்ததில்லை என்று கூறினார், மேலும் அவர் அம்னோ, பாரிசான் நேசனல் (பிஎன்) மற்றும் தற்போதைய பகாங் அரசாங்கத்திற்குத் தான் விசுவாசமாக இருப்பதாகக் கூறினார்.
தனது தந்தையும், முன்னாள் பிரதமருமான நஜிப் ரசாக், சூழ்நிலைகள் எதுவாக இருந்தாலும், அம்னோவுக்கு விசுவாசமாக இருக்க வேண்டியதன் அவசியத்தை எப்போதும் வலியுறுத்தினார் என்று அவர் கூறினார்.
எனது குடும்பத்தினரும் மற்ற அம்னோ உறுப்பினர்களும் ஸ்தாபிக்கப்பட்டதில் இருந்து போராடி வந்திருக்கிறார்கள். அப்படிப்பட்ட ஒரு கட்சிக்கு துரோகம் செய்ய எப்படி முடியும்? என்றார் நிசார் கேள்வி எழுப்பினார்.
நான் ஆழ்ந்து போற்றும் மற்றும் மதிக்கும் தலைவரான வான் ரோஸ்டி வான் இஸ்மாயில் தலைமையிலான பகாங் அரசாங்கத்தை நான் எவ்வாறு விலகிச் சென்று காட்டிக் கொடுக்க முடியும்?
நான் எனது கொள்கைகளையும் கண்ணியத்தையும் சமரசம் செய்துகொள்ளும் அல்லது என்னை அதிக விலைக்கு விற்கும் அரசியல் தவளை அல்ல என்று நிசார் கருத்துரைத்தார்.
Leave a Reply
Your email address will not be published. Required fields are marked *
தேடல்
செய்தி வகை
