துன் டைம் ஸைனுடின் மகள் அஸ்னிதா மீது குற்றச்சாட்டு – குற்றத்தை மறுத்தார்
- Surendran Sumdraraj
- 07 Apr, 2026
கோலாலம்பூர், ஏப். 7-
முன்னாள் நிதி அமைச்சர் அல்லாஹ்யர்ஹம் துன் டைம் ஸைனுடின் அவர்களின் மகள் அஸ்னிதா, ஐந்து நிறுவனங்களில் உள்ள தனது பங்குகளை அறிவிக்கத் தவறியதாகக் குற்றச்சாட்டில் இன்று செஷன்ஸ் நீதிமன்றத்தில் ஆஜராக்கப்பட்டார்.
60 வயதான அஸ்னிதா, நீதிபதி ரோஸ்லி அகமது முன்னிலையில் குற்றச்சாட்டு வாசிக்கப்பட்டபோது குற்றத்தை மறுத்து விசாரணை கோரினார்.
“விசாரணை வேண்டும்,” என்று அவர் தெரிவித்தார்.
குற்றப்பத்திரிகையின் படி, 2023 நவம்பர் 8ஆம் தேதி, மலேசிய ஊழல் தடுப்பு ஆணையச் சட்டம் 2009 (SPRM) பிரிவு 36(1)(b)க்கு அமைவாக வழங்கப்பட்ட நோட்டீஸின் விதிமுறைகளை பின்பற்றாமல், சத்தியப்பிரமாணத்துடன் எழுத்துப்பூர்வமான தவறான அறிக்கையை வழங்கியதாக அவர் மீது குற்றம் சுமத்தப்பட்டுள்ளது.
இந்த வழக்கு, சொத்து மற்றும் பங்கு அறிவிப்பு தொடர்பான சட்டங்களை மீறியதாகக் கூறப்படும் முக்கிய வழக்காகக் கருதப்படுகிறது. குற்றம் நிரூபிக்கப்பட்டால், அஸ்னிதா கடுமையான சட்ட நடவடிக்கைகளை எதிர்கொள்ள வேண்டியிருக்கும்.
வழக்கின் விசாரணை தேதி பின்னர் நீதிமன்றத்தால் நிர்ணயிக்கப்படும் என்று தெரிவிக்கப்பட்டது.
Leave a Reply
Your email address will not be published. Required fields are marked *
தேடல்
செய்தி வகை
