நண்பரின் 9 மாதக் குழந்தையைக் கொலை செய்த ஆடவர்! நீதிமன்றத்தில் குற்றச்சாட்டு

Shan Siva
17 Apr, 2026

கோலாலம்பூர், ஏப் 17: கடந்த வாரம் தனது நண்பரின் ஒன்பது மாதக் குழந்தையைக் கொலை செய்ததாக, ஒரு தொழிற்சாலை மேற்பார்வையாளர் மீது இன்று கிள்ளான் மாஜிஸ்திரேட் நீதிமன்றத்தில் குற்றம் சாட்டப்பட்டது.

மாஜிஸ்திரேட் ஏ. கார்த்தியாயினி முன்னிலையில் குற்றச்சாட்டு வாசிக்கப்பட்டபோது, 37 வயதான ஷஹ்ரில் நஸ்ருல் ருஸ்லிம், புரிதலுடன் தலையசைத்தார்.

கொலை வழக்குகள் உயர் நீதிமன்றத்தின் அதிகார வரம்பிற்குள் வருவதால், எந்தவொரு வாக்குமூலமும் பதிவு செய்யப்படவில்லை.

ஏப்ரல் 6 ஆம் தேதி பிற்பகல் 3.30 மணிக்கு, கிள்ளான், தாமான் பாயு பெர்டானாவில் உள்ள ஓர் அடுக்குமாடி குடியிருப்பில், தனது நண்பரின் ஒன்பது மாதக் குழந்தையான முஹம்மது அர்ஸ்யாவைக் கொலை செய்ததாக ஷஹ்ரில் மீது குற்றம் சாட்டப்பட்டுள்ளது.

தண்டனைச் சட்டத்தின் பிரிவு 302-இன் கீழ் உள்ள இந்தக் குற்றச்சாட்டுக்கு, தண்டனை உறுதி செய்யப்பட்டால், மரண தண்டனை அல்லது 30 முதல் 40 ஆண்டுகள் வரை சிறைத்தண்டனை மற்றும் குறைந்தபட்சம் 12 பிரம்படிகள் விதிக்கப்படலாம்.

தடயவியல் அறிக்கையைச் சமர்ப்பிப்பதற்காக, இந்த வழக்கு ஜூலை 6 ஆம் தேதிக்கு விசாரணைக்கு பட்டியலிடப்பட்டுள்ளது!

Your email address will not be published. Required fields are marked *

முக்கிய செய்தி