• Shan Siva
• 04 Feb, 2025

கோத்த கினபாலு, பிப் 4: நேற்று கோத்த கினபாலு இனானத்தில் உள்ள ஒரு எரிபொருள் சேமிப்புக் கிடங்கில் 12 லட்சத்துக்கும் அதிகமான மதிப்புள்ள மானிய விலை டீசலை கடத்தும் முயற்சியை கடல் பாதுகாப்பு போலீசார் முறியடித்தனர்.

நேற்று மேற்கொள்ளப்பட்ட சோதனையில், சுமார் 102,300 லிட்டர் மானிய விலை டீசலைப் பறிமுதல் செய்ததோடும், ஆறு பேரைக் கைது செய்ததாகவும் சபா மரைன் போலீஸ் கமாண்டர் உதவி ஆணையர் நஸ்ரி இப்ராஹிம் தெரிவித்தார்.

மேலும் அவர்களிடமிருந்து டிரக்குகளும் பறிமுதல் செய்யப்பட்டன என்று அவர் ஓர் அறிக்கையில் தெரிவித்தார்.

 சோதனையின் போது, ​​ மானிய விலை டீசலை அங்கீகரிக்கப்படாத முறையில் அவர்கள் சேமித்து வைத்திருப்பதைக் கண்டுபிடித்ததாகவும், எவ்வித முறையான ஆவணங்களும் அவர்களிடம் இல்லை என்றும் அவர் கூறினார்.