• Shan Siva
• 21 May, 2024

கோலாகுபு பாரு இடைத்தேர்தல் வெற்றியை எதிர்த்து மனு தாக்கல் செய்யும் எதிர்க்கட்சிகளின் திட்டத்தால் பக்காத்தான் ஹராப்பான் குழப்பமடையவில்லை என்று பிகேஆர் தகவல் பிரிவுத் தலைவர் ஃபஹ்மி ஃபட்சில் தெரிவித்தார்.

நேற்று, பெரிக்காத்தான் தகவல் பிரிவுத் தலைவர் அஸ்மின் அலி, தேர்தல் மனுவிற்கான ஆதாரங்களை சேகரிக்குமாறு அதன் தலைவர் முகைதின் யாசின் அவர்களின் வழக்கறிஞர்களுக்கு அறிவுறுத்தியதாக தெரிவித்தார்.

மேலும், 16 மாவட்ட வாக்களிப்பு மையத் தலைவர்கள் கூட்டணியின் சட்டக் குழுவின் மதிப்பாய்வுக்காக தரவுகளை சேகரிப்பதாகவும் கூறினார்.

முன்னதாக, PAS பொதுச்செயலாளர் தகியுதீன் ஹசான், இடைத்தேர்தலில் PH வெற்றி பெற்றால், PN தேர்தல் மனு தாக்கல் செய்யும் என்று கூறியதாகக் கூறப்பட்டது.  PH தேர்தல் பிரச்சாரத்திற்கு முன்னும் பின்னும் அரசாங்க இயந்திரங்களை துஷ்பிரயோகம் செய்ததாக குற்றம் சாட்டப்பட்டது.

ஆனால், PH தலைவர்கள் இந்தக் குற்றச்சாட்டை மறுத்துள்ளனர், அவர்கள் தேர்தல் சட்டங்களைக் கடைபிடித்ததாகத் தெரிவித்தனர்.

மே 11 இடைத்தேர்தலில், டிஏபியின் பாங் சாக் தாவோ நான்கு முனைப் போராட்டத்தில் PH க்கான இடத்தைத் தக்க வைத்துக் கொண்டார், PN இன் கைருல் அஸ்ஹாரி சாத்தை 3,869 வாக்குகள் பெரும்பான்மையுடன் பாங் தோற்கடித்தார் என்பது குறிப்பிடத்தக்கது!