• Shan Siva
• 10 Jun, 2024

கோத்தா கினபாலு, ஜூன் 10: மடானி அரசாங்கத்தால் செயல்படுத்தப்பட்ட இலக்கிடப்பட்ட டீசல் மானியத் திட்டம், தவறான முறையில் டீசல் கையாடப்படுவதைக் குறைப்பதிலும், மக்களுக்கு உதவி செய்வதற்கான முயற்சிகளை அதிகரிப்பதிலும் முக்கிய பங்கு வகிக்கின்றன என்று தகவல் தொடர்பு அமைச்சர் ஃபஹ்மி ஃபட்சில் கூறினார்.

மானியங்களைப் பகுத்தறிவு செய்வதன் மூலம் கிடைக்கும் சேமிப்பு, கூடுதல் அரசு முயற்சிகள் மூலம் பொதுமக்களுக்கு நேரடியாகச் சென்று, மக்களின் வருவாயை உயர்த்தி, பொறுப்பற்றவர்களின் கைகளில் மானியங்கள் போய்ச் சேராமல் இருப்பதை உறுதி செய்கிறது என்று அவர் கூறினார்.

டீசல் மானியங்களைப் பொறுத்தவரை, சாலைப் போக்குவரத்துத் துறை (ஜேபிஜே) கசிவுகள் மற்றும் டீசல் கடத்தல் காரணமாக நாள் ஒன்றுக்கு RM1.25 மில்லியன் இழப்பு ஏற்படுகிறது என்று அவர் சுட்டிக்காட்டினார்.

உதாரணமாக, நேற்றிரவு ஒரு லாரி 4,800 லிட்டர் டீசலை நிரப்பி கடத்த முயன்றதாகக் கூறப்படுகிறது. இலக்கு நிர்ணயிக்கப்பட்ட டீசல் மானியம் மாலை 5 மணிக்கு அறிவிக்கப்பட்ட போதிலும், நள்ளிரவில் டீசல் திருட முயற்சிகள் தொடர்ந்து நடந்தன என்று அவர் கூறினார்!