காலையிலேயே அதிர்ச்சி-பாகிஸ்தானை அதிரவைத்த வெடிகுண்டு தாக்குதல்!

Muthu Kumar
03 Sep, 2025

பாகிஸ்தானின் பலூசிஸ்தான் மாகாண தலைநகர் குவேட்டாவில் நேற்று (செப்.2) நடந்த பயங்கர வெடிவிபத்தில் 14 பேர் உயிரிழந்ததோடு, 35 பேருக்கும் மேல் காயமடைந்துள்ளதாக அதிகாரப்பூர்வ தகவல் வெளியாகியுள்ளது.பலூசிஸ்தான் நாசனல் கட்சியின் (BNP) தலைவர் சர்தார் அதாவுல்லா மேங்களின் 4-ம் ஆண்டு நினைவேந்தல் நிகழ்ச்சி முடிந்த பிறகு, இந்த வெடிவிபத்து நிகழ்ந்தது.

பாதுகாப்புத் துறையினர் மற்றும் பாக் சுகாதாரத் துறை அமைச்சர் பக்த் முகம்மது காகர், இந்த சம்பவத்தை உறுதி செய்துள்ளனர். BNP தலைவர் அக்தர் மேங்களை குறிவைத்தே இந்த தாக்குதல் நடத்தப்பட்டதாக முதற்கட்ட தகவல்கள் தெரிவிக்கின்றன. அதிர்ச்சிக்கிடமாக, அக்தர் மேங்கள் இதில் பாதுகாப்பாக தப்பியுள்ளதாக அதிகாரிகள் தெரிவித்தனர்.

தாக்குதலுக்குப் பிறகு, போலீசார் விரைந்து சென்று வந்து சுற்றுவட்டத்தை முற்றுகையிட்டு, காயமடைந்தவர்களை மருத்துவமனைகளுக்கு அனுப்பினர். இதில் பலரின் நிலை கவலைக்கிடமாக உள்ளதாக கூறப்படுகிறது.

BNP பேச்சாளர் சாஜித் தரீன் தெரிவித்ததாவது, "அக்தர் மேங்கள் சென்றதும் சில நிமிடங்களில் சட்டென்றென்று ஒரு வெடி விபத்து நிகழ்ந்தது. இதில் BNP கட்சியினரிலிருந்து 13 பேர் உயிரிழந்துள்ளனர். இதுவரை இத்தகைய கொடூரமான தாக்குதலை எதிர்நோக்கியது இல்லை" என்றார்.

அக்தர் மேங்கள் தனது சமூக ஊடகப் பதிவில், "நான் பாதுகாப்பாக இருக்கிறேன். ஆனால் என் தோழர்கள், என் மக்களை இழந்த வேதனைச் சொல்ல வார்த்தைகள் இல்லை. அவர்கள் எனக்காக உயிர் கொடுத்தார்கள். அவர்கள் தியாகம் என்றும் மறக்கப்படாது. இது என் மேல் ஒரு கடன், அதை பொறுப்புடன் நிறைவேற்றுவேன்" எனக் குறிப்பிட்டுள்ளார்.

பலூசிஸ்தான் முதல்வர் மீர் சர்பராஸ் புக்கத்தி, இந்த தாக்குதலை அமைதிக்கு எதிரான பயங்கரவாத செயலாகவும், பயத்தை ஏற்படுத்தும் நோக்கத்தோடு நடத்தப்பட்டதாகவும் கண்டித்து, காயமடைந்தவர்களுக்கு சிறந்த மருத்துவ உதவி வழங்கும்படி உத்தரவு பிறப்பித்துள்ளார்.

குற்றவாளிகளை பிடிக்க கடுமையான நடவடிக்கை எடுக்கப்படும் என்றும், சிறப்பு விசாரணை குழு அமைக்கப்பட்டதாகவும் கூறியுள்ளார். குவேட்டா நகரம் முழுவதும் தற்போது உயர் பாதுகாப்பு சோதனைகளுடன் ஒட்டுமொத்தக் கண்காணிப்பில் வைக்கப்பட்டுள்ளது.

Your email address will not be published. Required fields are marked *

முக்கிய செய்தி