நைஜீரியாவில் ஆயுதக் குழுவினர் தாக்குதல்; 20 அப்பாவி பொதுமக்கள் பலி
- Surendran Sumdraraj
- 24 Jun, 2026
அபுஜா, ஜூன் 24 –
நைஜீரியாவின் மத்திய பகுதியில் உள்ள பிளாட்டோ மாநிலத்தில் ஆயுதம் ஏந்திய குழுவினர் நடத்திய தாக்குதலில் குறைந்தது 20 பொதுமக்கள் உயிரிழந்துள்ளனர். இந்த சம்பவம் அப்பகுதியில் பெரும் அதிர்ச்சியையும் பதற்றத்தையும் ஏற்படுத்தியுள்ளது.
போலீஸ் தரப்பில் வெளியிடப்பட்ட தகவலின்படி, போக்கோஸ் (Bokkos) பகுதியில் அமைந்துள்ள காவெல் (Kawel) சமூகத்தை குறிவைத்து ஞாயிற்றுக்கிழமை இந்தத் தாக்குதல் நடத்தப்பட்டது. தாக்குதல் குறித்து தகவல் கிடைத்தவுடன் போலீசார் சம்பவ இடத்திற்கு விரைந்து சென்று ஆயுதக் குழுவினருடன் துப்பாக்கிச் சண்டையில் ஈடுபட்டனர். இதையடுத்து தாக்குதலாளர்கள் அங்கிருந்து தப்பிச் சென்றதாகத் தெரிவிக்கப்பட்டுள்ளது.
தாக்குதலுக்கு எந்த அமைப்பும் இதுவரை பொறுப்பேற்கவில்லை. இருப்பினும், பிளாட்டோ மாநிலம் கடந்த சில ஆண்டுகளாக இன, மத மற்றும் நில உரிமை தொடர்பான மோதல்களால் அடிக்கடி வன்முறைகளைச் சந்தித்து வருகிறது.
உயிரிழந்தவர்களின் உடல்கள் குடும்பத்தினரிடம் ஒப்படைக்கப்பட்டுள்ளன. இதேவேளை, பாதிக்கப்பட்ட குடும்பங்களுக்கு உடனடி நிவாரண உதவிகளை வழங்குமாறு மாநில ஆளுநர் கேலெப் முட்ஃப்வாங் சம்பந்தப்பட்ட அதிகாரிகளுக்கு உத்தரவிட்டுள்ளார்.
Leave a Reply
Your email address will not be published. Required fields are marked *
தேடல்
செய்தி வகை
