விருதுநகரில் பாஜக தேசிய தலைவர் நிதின் நபின் தீவிர பிரசாரம்
- Surendran Sumdraraj
- 13 Apr, 2026
தமிழக சட்டசபை தேர்தலை முன்னிட்டு அரசியல் கட்சிகள் தீவிர தேர்தல் பிரசாரத்தில் ஈடுபட்டு வரும் நிலையில், விருதுநகர் மாவட்டத்தில் பாஜக தேசிய தலைவர் நிதின் நபின் தேர்தல் பிரசாரத்தில் கலந்துகொண்டார். தமிழக சட்டசபை தேர்தல் வரும் ஏப்ரல் 23ஆம் தேதி நடைபெறவுள்ள நிலையில், அனைத்து அரசியல் கட்சிகளும் வாக்காளர்களை கவரும் முயற்சியில் தீவிரமாகச் செயல்பட்டு வருகின்றன.
அதிமுக கூட்டணியில் இடம்பெற்றுள்ள பாஜக, இந்த முறை 27 தொகுதிகளில் போட்டியிடுகிறது. அதில் விருதுநகர் மாவட்டத்தின் சாத்தூர் தொகுதியில் பாஜக சார்பில் நயினார் நாகேந்திரன் வேட்பாளராக களமிறக்கப்பட்டுள்ளார். அவருக்கு ஆதரவாக தேசிய மட்டத் தலைவர்கள் பலரும் பிரசாரத்தில் ஈடுபட்டு வருகின்றனர்.
இந்த நிலையில், பாஜக தேசிய தலைவர் நிதின் நபின் இன்று விருதுநகர் மாவட்டம் சாத்தூரில் தேர்தல் பிரசாரம் மேற்கொண்டார். அங்கு நயினார் நாகேந்திரனை ஆதரித்து ரோட் ஷோ நடத்தி, பொதுமக்களிடம் வாக்கு சேகரித்தார். அவரது வருகையால் அப்பகுதியில் பாஜக தொண்டர்களும் ஆதரவாளர்களும் உற்சாகமடைந்தனர்.
பிரசாரத்தின் போது, தேசிய ஜனநாயக கூட்டணிக்கு மக்கள் ஆதரவு அதிகரித்து வருவதாகவும், தமிழகத்தில் இந்த தேர்தலில் மாற்றம் ஏற்படும் எனவும் நிதின் நபின் நம்பிக்கை தெரிவித்ததாக கூறப்படுகிறது. தேர்தல் நாள் நெருங்கி வரும் நிலையில், தமிழக அரசியல் களம் நாளுக்கு நாள் சூடுபிடித்து வருகிறது.
Leave a Reply
Your email address will not be published. Required fields are marked *
தேடல்
செய்தி வகை
