• Shan Siva
• 13 Jun, 2024

பெட்டாலிங் ஜெயா, ஜூன் 13: தேசிய கால்பந்து வீரர் ஃபைசல் ஹலீம், கடந்த மே மாதம் ஆசிட் வீச்சில் பலத்த தீக்காயங்களுக்கு ஆளானதைத் தொடர்ந்து, முதல் முறையாக பொதுவில் தோன்றினார்.

ஷா ஆலமில் உள்ள பாடாங் SUK இல் உள்ள சிலாங்கூர் எஃப்சி பயிற்சி மையத்தில் நடந்த செய்தியாளர் கூட்டத்தில் பைசல் கலந்து கொண்டார். அங்கு அவர் ஊடகவியலாளர்களின் கேள்விகளுக்கு பதிலளித்தார்.

ஃபைசல் நான்கு அறுவை சிகிச்சைகளுக்குப் பிறகு மே 25 அன்று மருத்துவமனையில் இருந்து டிஸ்சார்ஜ் செய்யப்பட்டார்.

மே 5ஆம் தேதி கோத்தா டாமன்சாராவில் உள்ள வணிக வளாகத்தில் அவர் மீது ஆசிட் வீசப்பட்டது.

இந்த தாக்குதல் பலரையும் அதிர்ச்சிக்குள்ளாக்கியதோடு,  சர்வதேச கவனத்தையும் ஈர்த்தது. ஃபைசல் மீதான ஆசிட் வீச்சுக்கும், மேலும் மூன்று கால்பந்து வீரர்களுக்கு எதிரான குற்றங்களுக்கும் தொடர்பு உள்ளதா? என்று போலீசார் விசாரித்து வருகின்றனர், இவை அனைத்தும் ஒரு மாத இடைவெளியில் நடந்து விளையாட்டு உலகின் விதியை மாற்றின.

தாக்குதல் நடத்தியதாக சந்தேகிக்கப்படும் நபரின் புகைப்படத்தையும் அதிகாரிகள் வெளியிட்டுள்ளனர்.

26 வயதான ஃபைசல், தென் கொரியாவுக்கு எதிராக சமன் செய்ததை 2023 ஆசியக் கோப்பையின் சிறந்த கோலாக இன்றும் பார்க்கப்படுகிறது.