பல்வேறு திசைகளில் இருந்து பலவீனமான காற்று! - மெட் மலேசியா நினைவூட்டல்
- Shan Siva
- 26 Sep, 2025
கோலாலம்பூர், செப் 26: பருவமழை மாற்றக் கட்டம் செப்டம்பர் 30 ஆம் தேதி தொடங்கி நவம்பர் வரை நீடிக்கும் என்று எதிர்பார்க்கப்படுகிறது.
இந்த காலகட்டத்தில் பல்வேறு திசைகளில் இருந்து பலவீனமான காற்று வீசும் என்று மலேசிய வானிலை
ஆய்வு மையம் (METMalaysia) இன்று
அறிவித்துள்ளது. இந்த வளிமண்டல நிலை அடிக்கடி இடியுடன் கூடிய மேகங்களை உருவாக்கும்
என்று தெரிவித்துள்ளது. மதியம் மற்றும் மாலை வேளையில் கனமழை மற்றும் பலத்த காற்றை இது
கொண்டுவரும் என்று குறிப்பிடப்பட்டுள்ளது.
தீபகற்ப மலேசியாவின் மேற்கு மற்றும் உட்புறப் பகுதிகள், மேற்கு சபா மற்றும் சரவாக்கில் இதற்கான சாத்தியங்கள்
இருப்பதாக மெட் மலேசியா தெரிவித்துள்ளது.
இந்த வானிலை நிகழ்வு திடீர் வெள்ளம்,
மரங்கள்
விழுதல், நீர் எழுச்சி மற்றும்
நிலையற்ற கட்டமைப்புகளுக்கு சேதம் ஏற்படும் அபாயங்களைக் கொண்டு வரலாம் என்றும் எச்சரிக்கப்பட்டுள்ளது.
பொதுமக்கள் விழிப்புடன் இருக்கவும் தேவையான பாதுகாப்பு முன்னெச்சரிக்கை
நடவடிக்கைகளை செயல்படுத்தவும் மெட்மலேசியா அறிவுறுத்துகிறது. குடிமக்கள்
அதிகாரப்பூர்வ சேனல்கள் மூலம் சமீபத்திய வானிலை முன்னறிவிப்புகள் மற்றும்
எச்சரிக்கைகளைக் கண்காணிப்பதன் மூலம் தகவல்களைத் தெரிந்துகொள்ளலாம் என நினைவூட்டப்பட்டுள்ளது.
METMalaysia வலைத்தளம், myCuaca மொபைல் பயன்பாடு மற்றும்
அதன் சமூக ஊடக தளங்கள் மூலம் தகவல்களை அறிந்துகொள்ளலாம். மேலும் ஏதேனும்
விசாரணைகளுக்கு பொதுமக்கள் 1-300-22-1638 என்ற METMalaysia ஹாட்லைனைத் தொடர்பு கொள்ளலாம்!
Leave a Reply
Your email address will not be published. Required fields are marked *
தேடல்
செய்தி வகை
