• Shan Siva
• 22 Jul, 2024

பாசிர் பூத்தே, ஜூலை 22: இன்று அதிகாலை ஜலான் மாச்சாங்-பாசிர் பூத்தே, கம்போங் கண்டிஸில் இரண்டு கார்கள் மோதிக்கொண்டதில் ஒரு பெண் உயிரிழந்தார் மற்றும் இருவர் காயமடைந்தனர்.

காலை 6.56 மணிக்கு அவசர அழைப்பு வந்ததை அடுத்து ஒன்பது தீயணைப்பு வீரர்கள் சம்பவ இடத்திற்கு விரைந்ததாக பாசிர் பூத்தே தீயணைப்பு மற்றும் மீட்புத் துறை செய்தித் தொடர்பாளர் தெரிவித்தார்.

காரில் இருந்து பாதிக்கப்பட்டவர்களை மீட்க தீயணைப்பு வீரர்கள் சில நிமிடங்கள் எடுத்ததாக செய்தித் தொடர்பாளர் கூறினார்.

பின்னர் இறந்தவரின் உடல் பிரேதப் பரிசோதனைக்காக மாவட்ட மருத்துவமனைக்கு அனுப்பி வைக்கப்படும் முன்பு போலீசாரிடம் ஒப்படைக்கப்பட்டது.

காயமடைந்த இருவரும் சிகிச்சைக்காக அதே மருத்துவமனையில் அனுமதிக்கப்பட்டனர்.

சம்பவத்திற்கான காரணம் குறித்து போலீசார் விசாரணை நடத்தி வருகின்றனர்!