எங்களால் தனித்துச் செல்ல இயலாது! – அந்தோணி லோக்
- Shan Siva
- 17 Jul, 2026
கோலாலம்பூர், ஜூலை 17: கூட்டணி அரசியலில் பங்கேற்காமல் டிஏபி கட்சியால் வெகுதூரம் செல்ல முடியாது என்று அதன் பொதுச்செயலாளர் அந்தோணி லோக் தெரிவித்துள்ளார்.
சிங்கப்பூரின்
சிஎன்ஏ-க்கு அளித்த பேட்டியில், அரசாங்கத்தில் மாற்றத்தை ஏற்படுத்த டிஏபி ஒரு
"அதிகார நிலையில்" இருக்க வேண்டும் என்றும், எப்போதுமே கூட்டணி அரசியலில் தனக்கு நம்பிக்கை உண்டு என்றும் லோக் கூறினார்.
தனித்துச்
செல்வது எளிது என்றாலும், தங்களால் எதிர்க்கட்சிப் பாத்திரத்தை மட்டுமே
வகிக்க முடியும். தேசத்தைக் கட்டியெழுப்பும் செயல்பாட்டில் ஒரு பகுதியாக இருக்க
முடியாது. ஆட்சி நிர்வாகச் செயல்பாட்டில் இருக்க
முடியாது என்று அவர் கூறினார்.
பாரிசான் நேஷனலை எதிர்கொள்வது
ஒற்றுமை அரசாங்கத்திற்குள் உள்ள உறவுகளை எவ்வாறு பாதிக்கிறது என்ற கேள்விக்கு, போக்குவரத்து
அமைச்சரான லோக், எந்த பாதிப்பும் இல்லை என்று சொல்வது ஒரு
பொய்யாக இருக்கும் என்று கூறினார்.
ஆனால் தொழில்முறையாக
நடந்துகொள்ள வேண்டும். நாங்கள் வழக்கம் போல் கூட்டங்களில் கலந்துகொள்கிறோம் என்று கூறினார்.
எனவே, அரசாங்கத்தை அப்படியே வைத்திருக்க, நாங்கள் முடிந்தவரை
தொழில்முறையாக நடந்துகொள்ள முயற்சிக்கிறோம் என்று அவர் கூறினார்.
மேலும், DAP அதன் பதவிக்காலம் முடியும் வரை ஒற்றுமை
அரசாங்கத்திலிருந்து வெளியேறாது என்றும் லோக் கூறினார். மாநிலத் தேர்தல்களின்
முடிவுகளைப் பொருட்படுத்தாமல், அம்னோ தலைவரும் BN தலைவருமான அஹ்மத்
ஜாஹித் ஹமிடியும் அரசாங்கத்தின் பதவிக்காலம் முடியும் வரை ஆதரவளிப்பதாக
உறுதியளித்துள்ளார் என்பதையும் அவர் குறிப்பிட்டார்.
Leave a Reply
Your email address will not be published. Required fields are marked *
தேடல்
செய்தி வகை
