நஜிப் ரசாக் புதிய மன்னிப்பு மனு: விவரங்கள் தெரியாது – ஹன்னா இயோ விளக்கம்
- Surendran Sumdraraj
- 23 Apr, 2026
கோலாலம்பூர், ஏப். 23-
கோலாலம்பூரில் நடைபெற்ற நிகழ்வில், பிரதமர் துறையின் (கூட்டரசு பிரதேச) அமைச்சர் ஹன்னா இயோ, முன்னாள் பிரதமர் நஜிப் துன் ரசாக் புதிய மன்னிப்பு மனு தாக்கல் செய்ததாக வெளியாகிய தகவல்கள் குறித்து தமக்கு எந்தத் தகவலும் இல்லை என்று தெரிவித்துள்ளார்.
இன்று டேசா ரேஜாங் பொதுமக்கள் வீடமைப்பு பகுதியில் நடைபெற்ற Program Baiti Jannati @ Wilayah Persekutuan திட்டத்தின் வீட்டு உரிமைச் சான்றிதழ் வழங்கும் நிகழ்ச்சிக்குப் பிறகு செய்தியாளர்களிடம் பேசிய அவர், “இப்போது எனக்கு இதுகுறித்து எந்த விவரமும் இல்லை. எனவே இதைப் பற்றி கருத்து சொல்ல விரும்பவில்லை,” என்று கூறினார்.
முன்னதாக, தற்போது சிறைவாசம் அனுபவித்து வரும் Najib Tun Razak, கூட்டரசு பிரதேச மன்னிப்பு வாரியத்திற்கு புதிய மன்னிப்பு மனுவை தாக்கல் செய்துள்ளதாக தகவல்கள் வெளியாகியிருந்தன.
இந்த தகவல் அரசியல் வட்டாரங்களில் பேசுபொருளாக மாறியுள்ள நிலையில், அரசாங்கம் இதுகுறித்து அதிகாரப்பூர்வமாக எந்த உறுதிப்படுத்தலும் வழங்கவில்லை. மன்னிப்பு மனு தொடர்பான இறுதி முடிவை கூட்டரசு பிரதேச மன்னிப்பு வாரியமே எடுக்கும் என்பது குறிப்பிடத்தக்கது.
Leave a Reply
Your email address will not be published. Required fields are marked *
தேடல்
செய்தி வகை
