கல்வி அமைச்சரின் செயல் வெட்கக்கேடானது - ரஃபிஸி ரம்லி சாடல்
- Shan Siva
- 12 Aug, 2025
கோலாலம்பூர், ஆக 12: பொருளாதாரத்துறை முன்னாள் அமைச்சர் ரஃபிஸி ரம்லி, பிரதமர் அன்வர் இப்ராஹிமின் பிறந்தநாளுக்கு மாணவர்களை வாழ்த்துக் கூற வைத்து, அவர்கள் அவரை "நேசிப்பதாக" கூறியதற்காக கல்வி அமைச்சர் ஃபத்லினா சிடெக்கை விமர்சித்துள்ளார்.
ஃபத்லினா ஒரு
கூட்டத்தில் மாணவர்களை "பிறந்தநாள் வாழ்த்துகள் PMX, நாங்கள் உங்களை நேசிக்கிறோம்" என்று சொல்ல
ஊக்குவிப்பது போன்ற வீடியோ வைரலானது தொடர்பாக ரஃபிஸி இவ்வாறு விமர்சித்துள்ளார்.
பள்ளிகளில்
அரசியலுக்கு இடமில்லை என்பதை வலியுறுத்திய ரஃபிஸி, ஃபத்லினாவின் தனிப்பட்ட நலன்களை குழந்தைகளின் கல்வியுடன்
கலக்க வேண்டாம் என்று கூறினார்.
அவர் உண்மையிலேயே
அன்வாரை நேசித்தாலும், தனது
விசுவாசத்தைக் காட்ட விரும்பினாலும், அவரது ஒரு எளிய கூற்று போதுமானதாக இருந்திருக்கும் - மாணவர்களை ஈடுபடுத்த
வேண்டிய அவசியமில்லை" என்று ரஃபிஸி X பதிவில் கூறினார்.
இதைச் செய்வது
எதிர்கால கல்வி அமைச்சர்கள் மாணவர்கள் மற்றும் மற்ற தலைவர்களுக்கு விசுவாசத்தையும்
போற்றுதலையும் வெளிப்படுத்தச் சொல்லக் கூடிய ஒரு முன்னுதாரணத்தை அமைக்கிறது என்று அவர்
சுட்டிக்காட்டினார்.
பிகேஆர் முன்னாள்
துணைத் தலைவருமான ரஃபிஸி கட்சியின் மூத்த பிரமுகரான ஃபத்லினா கல்வியை
அரசியலாக்குவதைப் பார்த்து தாம் வெட்கப்படுவதாகக் கூறினார்!
Leave a Reply
Your email address will not be published. Required fields are marked *
தேடல்
செய்தி வகை
