• Shan Siva
• 13 Feb, 2025

கோலாலம்பூர், பிப் 13: செப்டம்பர் மாதம் நடைபெறவிருக்கும் கட்சித் தேர்தல்களில் தலைவர் மற்றும் துணைத் தலைவர் பதவிகளுக்குப் போட்டியிட விரும்பும் எந்தவொரு உறுப்பினருக்கும் பாஸ் தடையாக இருக்காது என்று அதன் தேர்தல் இயக்குநர் சனுசி நோர் தெரிவித்தார்.

கெடா மந்திரி புசாராகவும் இருக்கும் சனுசி, தகுதியுள்ள அனைத்து உறுப்பினர்களும் பதவிகளில் போட்டியிட வரவேற்கப்படுகிறார்கள் என்றார்.

தலைவர் மற்றும் துணைத் தலைவர் பதவிகள் போட்டிக்கு திறந்தே இருக்கும் என்று அவர் கூறினார்.

பாஸ் அதன் உயர் பதவிகளுக்குப் போட்டியிடுவதைத் தடுக்க எந்த தீர்ப்பையும் ஒருபோதும் பிறப்பிக்கவில்லை என்று அவர் கூறினார்.

எங்களுக்கு அத்தகைய கட்டுப்பாடுகள் இல்லை, அல்லது உயர் பதவிகளுக்கான போட்டிகளைத் தடுக்கும் எந்த உத்தரவும் இல்லை. அத்தகைய உத்தரவு ஒருபோதும் இருந்ததில்லை,” என்று அவர் கூறினார்.

கடந்த வாரம் அரசியல் ஆய்வாளர் ஒருவர் பாஸ் கட்சியின் தேர்தல் குறித்தும், தலைவர் தேர்வு குறித்தும் கருத்துரைத்திருந்த நிலையில் சனூசி இவ்வாறு பதில் அளித்தார்.