• Shan Siva
• 02 Aug, 2024

கோலாலம்பூர், ஆகஸ்ட் 2: ஹமாஸ் அரசியல் தலைவர் இஸ்மாயில் ஹனியே படுகொலை தொடர்பாக பிரதமர் டத்தோஸ்ரீ அன்வார் இப்ராகிமின் பல பதிவுகளை நீக்கிய மெட்டாவின் முடிவு மிக உயர்ந்த மட்டத்தில் எடுக்கப்பட்டது என்றும், மெட்டாவின் ஆசிய பிராந்திய குழுவால் அல்ல என்றும் தகவல் தொடர்பு அமைச்சர் ஃபஹ்மி ஃபட்சில் தெரிவித்துள்ளார்.

இந்த முடிவின் பின்னணியில் உள்ள காரணங்கள் குறித்து ஆசிய பிராந்திய அணியும் தெளிவில்லாமல் இருப்பதாக அவர் கூறினார்.

இது மிகவும் ஏமாற்றமளிக்கிறது, மேலும் நடவடிக்கைகளை கருத்தில் கொள்வதற்கு முன் நாம் தெளிவு பெற வேண்டும். இது போன்ற நிகழ்வுகள் நடக்கக்கூடாது என்று  இன்று மஸ்ஜித் நெகாராவில் அன்வாருடன் வெள்ளிக்கிழமை தொழுகையில் கலந்து கொண்ட பின்னர் ஃபஹ்மி செய்தியாளர்களிடம் இதனைத் தெரிவித்தார்!