ஜொகூர் மின் நிலையத்தில் தீ! 70% சேதம்
- Shan Siva
- 03 Oct, 2025
ஜொகூர் பாரு, அக் 3: பொந்தியானில் உள்ள தஞ்சோங் பின் எனர்ஜி மின் நிலையத்தில் நேற்று இரவு ஏற்பட்ட தீ விபத்தில், ஆலையின் ஃப்ளூ கேஸ் பிரிவு சுமார் 70% சேதமடைந்தது.
பொந்தியான் பாரு தீயணைப்பு மற்றும் மீட்பு நிலையத்தின் மூத்த
செயல்பாட்டுத் தளபதி மகாதிர் மமத், இரவு 8.22 மணிக்கு அவசர அழைப்பு வந்ததை உறுதிப்படுத்தினார்.
பொந்தியான் மற்றும் பெக்கான் நெனாஸ் உள்ளிட்ட மூன்று
தீயணைப்பு நிலையங்களைச் சேர்ந்த இருபத்தி இரண்டு பணியாளர்கள் பெனட் தன்னார்வ
தீயணைப்புப் படையினருடன் சேர்ந்து மீட்பு நடவடிக்கையை மேற்கொண்டனர்.
ஒட்டுமொத்த தீயணைப்பு நடவடிக்கையில் தீயைக்
கட்டுப்படுத்த இரண்டு பிரிவுகள் ஈடுபட்டன.
தீ முற்றிலுமாக அணைக்கப்பட்ட நிலையில், நடவடிக்கையின் போது எந்த உயிரிழப்பும் ஏற்படவில்லை என்று தெரிவிக்கப்பட்டுள்ளது.
தீ விபத்துக்கான காரணம் மற்றும் மதிப்பிடப்பட்ட
இழப்புகள் குறித்து விசாரிக்கப்பட்டு வருவதாகத் தெரிவிக்கப்பட்டுள்ளது!
Leave a Reply
Your email address will not be published. Required fields are marked *
தேடல்
செய்தி வகை
