• Shan Siva
• 16 Jun, 2024

நிபோங் தெபால், ஜூன் 16: குடியுரிமை விண்ணப்பங்களைத் தீர்ப்பதில், மத்திய அரசமைப்புச் சட்டத்தின் பிரிவு 15A-ன் கீழ் முறை தவறிய  இணையருக்குப் பிறந்த மற்றும் தத்தெடுக்கப்பட்ட குழந்தைகள் சம்பந்தப்பட்ட வழக்குகளுக்கு முன்னுரிமை அளிக்கப்பட்டுள்ளது என்று உள்துறை அமைச்சர் டத்தோஸ்ரீ சைபுடின் நசுஷன் இஸ்மாயில் தெரிவித்தார்.

ஏனென்றால், இந்த இரண்டு பிரிவுகளை உள்ளடக்கிய விண்ணப்பங்கள் இதுவரை அதிகமாக இருந்தது, அதைத் தொடர்ந்து வெளிநாட்டினரை மணந்த மலேசியப் பெண்களுக்கு வெளிநாட்டில் பிறந்த குழந்தைகளின் வகை உள்ளது.

திருமணத்திற்கு அப்பாற்பட்டு பிறந்த குழந்தைகளை உள்ளடக்கிய குடியுரிமைக்கான விண்ணப்பங்கள் அதிகமாக உள்ளன. பெற்றோரின் தவறுக்காக இந்தக் குழந்தைகள் மீது பாகுபாடு காட்டக்கூடாது.

எனவே, நாங்கள் அவர்களின் விண்ணப்பங்களுக்கு முன்னுரிமை அளிக்கிறோம். கடந்த ஆண்டு, 14,000 வழக்குகளுக்கு தீர்வு காணும் இலக்கை எட்டினோம். இப்போது அந்த எண்ணிக்கை 15,000 ஐ எட்டியுள்ளது. இந்த ஆண்டும் அதே வேகத்தை நாங்கள் தொடருவோம் என்று அவர் செய்தியாளர்களிடம் கூறினார். 

குடியுரிமை பிரிவின் கீழ் குடியுரிமைக்கான விண்ணப்பங்களும்  சில மட்டுமே உள்ளன என்று அவர் கூறினார்!