சிவசங்கரி சிலிக்கான் வேலி ஓபன் இறுதிப்போட்டிக்கு முன்னேறினார்!
- Muthu Kumar
- 17 Oct, 2025
வாஷிங்டன். அக். 17-
அமெரிக்காவின் ரெட்வுட் சிட்டியில் நடைபெற்ற சிலிக்கான் வேலி ஓபன் ஸ்குவாஷ் போட்டியில் மலேசியாவின் முன்னணி வீராங்கனை எஸ்.சிவசங்கரி, இறுதிப்போட்டிக்கு முன்னேறி வெற்றிக்கு ஒரு படி அருகில் நெருங்கியுள்ளார். உலக தரவரிசையில் 8ஆவது இடத்தில் உள்ளவரும், போட்டியின் மூன்றாம் நிலை வீராங்கனையுமான சிவசங்கரி, அரையிறுதியில் மறக்கமுடியாத ஆட்டத்தை வெளிப்படுத்தினார்.
அரையிறுதி ஆட்டத்தில், எகிப்தின் ஏழாம் நிலை வீராங்கனை சல்மா ஹனியை 3-0 என்ற கணக்கில் 22 நிமிடங்களில் வீழ்த்தினார். 11-3, 11-9, 11-5 புள்ளிக்கணக்கில் வெற்றி பெற்ற சிவசங்கரி, துல்லியமான பந்து அடிப்புகள், அமைதியான ஆட்ட உத்திகளால் ஆட்டம் முழுவதும் ஆதிக்கம் செலுத்தினார். இந்த வெற்றியின் மூலம், அவர் பெரிதும் எதிர்பார்க்கப்பட்ட இறுதிப்போட்டிக்குத் தகுதி பெற்றார்.
சிவசங்கரியின் இந்த சாதனை, மலேசிய ஸ்குவாஷ் ரசிகர்களுக்கு பெருமை சேர்க்கும் தருணமாக அமைந்துள்ளது. அவரது ஆட்டத்திறமை, வேகம், களத்தில் காட்டிய நம்பிக்கை, அவரை உலகின் முன்னணி வீராங்கனைகளில் ஒருவராக உயர்த்தியுள்ளது.இறுதிப்போட்டியில் கோப்பையை வெல்லும் வாய்ப்பு அவருக்கு காத்திருக்கிறது. இது மலேசியாவிற்கு மற்றொரு பெருமையை பெற்றுத்தரும் என ரசிகர்கள் ஆவலுடன் எதிர்பார்க்கின்றனர்.
Leave a Reply
Your email address will not be published. Required fields are marked *
தேடல்
செய்தி வகை
