ஒருவரின் கையை வெட்டிய ஐவருக்கு RM 15,000 ஜாமின்

Shan Siva
05 Mar, 2026

கோலாலம்பூர், மார்ச் 5: கடந்த மாதம் ஷாப்பிங் வளாகத்தில் ஒருவர் மீது பாராங் கொண்டு தாக்கியதாக குற்றம் சாட்டப்பட்ட நான்கு நண்பர்கள் இன்று செஷன்ஸ் நீதிமன்றத்தில் குற்றச்சாட்டுக்கு ஆஜராக்கப்பட்டனர்.

S.G. Kisheaan (29), S. Yogayoggan (26), S. Heganeswaran Servai (28) மற்றும் K.K. Sarvindran (23) ஆகியோர் நீதிபதி Irwan Suainbon முன்னிலையில் குற்றச்சாட்டை மறுத்து விசாரணை கோரினர்.

இந்த நால்வரும் கடந்த பிப்ரவரி 25 ஆம் தேதி காலை 8 மணியளவில் ஒரு கார் ஷோரூம் நுழைவாயிலின் முன்பு S. Prashanraj என்பவரை பாராங் கொண்டு கடுமையாக காயப்படுத்த சதி செய்ததாக குற்றம் சாட்டப்பட்டுள்ளது.

குற்றம் நிரூபிக்கப்பட்டால் அதிகபட்சமாக 20 ஆண்டுகள் சிறைத்தண்டனை, அபராதம் அல்லது பிரம்படி விதிக்கப்படலாம்.

அரசுத் தரப்பு வழக்கறிஞர் Lee Jun Keong, பாதிக்கப்பட்டவரின் காயம் மிகவும் கடுமையானது என்பதால் ஜாமீன் வழங்க வேண்டாம் என்று நீதிமன்றத்தைக் கேட்டுக் கொண்டார்.

பாதிக்கப்பட்டவரின் வலது கை துண்டிக்கப்பட்டதாகவும், சம்பவம் பொதுமக்கள் கூடும் இடத்தில் நடந்ததால் சமூக பாதுகாப்பு உணர்வையும் பாதித்ததாகவும் அவர் தெரிவித்தார். பாதிக்கப்பட்டவர் இன்னும் சிகிச்சை பெற்று வருவதாகவும் கூறினார்.

எனினும், பாதுகாப்பு தரப்பு வழக்கறிஞர் Lim Xian Zhi, குற்றம் நிரூபிக்கப்படும் வரை குற்றமற்றவர் என்ற அடிப்படைச் சட்டக் கொள்கையை சுட்டிக்காட்டி ஜாமீன் வழங்குமாறு கோரினார். குற்றம் சாட்டப்பட்டவர்கள் அனைவரும் பினாங்கில் வேலை செய்து வருவதாலும் தப்பிச் செல்ல வாய்ப்பு இல்லை என்றும் அவர் தெரிவித்தார்.

இதனைத் தொடர்ந்து நீதிபதி Irwan Suainbon ஒவ்வொருவருக்கும் RM15,000 ஜாமீன் வழங்கி, வழக்கை ஏப்ரல் 15 அன்று மீண்டும் குறிப்பிட தீர்மானித்தார்!

Your email address will not be published. Required fields are marked *

முக்கிய செய்தி