• Shan Siva
• 07 Jul, 2025

அலோர் ஸ்டார், ஜூலை 7: இன்று காலை ஜித்ரா அருகே உள்ள சுங்கை கோரோக்கிலிருந்து வந்த காரில் ஒரே குடும்பத்தைச் சேர்ந்த ஆறு பேர் இறந்து கிடந்தனர்.

ஆறு பேரில் ஒரு ஆண், ஒரு பெண், மூன்று குழந்தைகள் மற்றும் ஒரு கைக்குழந்தை இருந்ததாக கெடா தீயணைப்பு மற்றும் மீட்புத் துறை மண்டலம் 1 தலைவர் அஹ்மத் அமினுதீன் அப்துல் ரஹீம் தெரிவித்தார்.

காலை 8.38 மணிக்கு ஆற்றில் கார் இருப்பது குறித்து துறைக்கு அவசர அழைப்பு வந்ததாக அவர் கூறினார்.

புரோட்டான் ஈஸ்வரா ரக கார் ஆற்றில் மிதப்பதாக தங்களுக்குத் தெரிவிக்கப்பட்டது என்று அவர் ஓர் அறிக்கையில் தெரிவித்தார்.

தீயணைப்பு வீரர்கள் காரை மீட்டு உள்ளே ஆறு உடல்களைக் கண்டுபிடித்ததாக அவர் கூறினார். பாதிக்கப்பட்டவர்களை அடையாளம் காணும் பணி தொடர்ந்து நடைபெற்று வருகிறது.

நேற்று, கடந்த சனிக்கிழமை முதல் தொடர்பு கொள்ள முடியாத நிலையில் ஒரே குடும்பத்தைச் சேர்ந்த ஆறு பேர் காணாமல் போனதாக அறிவிக்கப்பட்டதாக பெர்னாமா செய்தி வெளியிட்டுள்ளது.

ஜித்ராவின் தாமான் அமானில் உள்ள ஓர் உறவினரின் வீட்டில் இரவைக் கழித்த பிறகு வீடு திரும்பத் தவறியதால், அவர்கள் காணாமல் போனதாகக் கூறப்படுகிறது!