PN தலைவர் நியமனம் பிரதமர் வேட்பாளர் உறுதி அல்ல – முஹ்யிதீன்
- Surendran Sumdraraj
- 04 Mar, 2026
கோலாலம்பூர், மார்ச் 4-
பாஸ் (PAS) கட்சியின் துணைத் தலைவர் டத்தோ ஸ்ரீ டாக்டர் அக்மட் சம்சுரி மொக்தார் பெரிகாத்தான் நேஷனல் (PN) கூட்டணியின் தலைவராக நியமிக்கப்பட்டது, அவர் எதிர்காலத்தில் பிரதமர் வேட்பாளராக அறிவிக்கப்படுவார் என்பதற்கான உத்தரவாதம் அல்ல என்று பெர்சத்து (BERSATU) கட்சித் தலைவர் டான் ஸ்ரீ முஹ்யிதீன் யாசின் தெரிவித்துள்ளார்.
எதிர்காலத்தில் பெரிகாத்தான் நேஷனல் 16ஆவது பொதுத் தேர்தலில் (PRU16) வெற்றி பெற்றால் யார் பிரதமராக தேர்வு செய்யப்படுவார்கள் என்பது, கூட்டணியின் தலைவரை நியமிப்பது போன்ற விஷயத்திலிருந்து முற்றிலும் வேறுபட்டது என்றும் அவர் விளக்கினார்.
மேலும், PN சார்பில் பிரதமர் வேட்பாளர் யார் என்பது குறித்து கூட்டணியில் உள்ள மற்ற கட்சிகளுடன், குறிப்பாக பாஸ் கட்சியுடன் இதுவரை எந்த விவாதமும் நடத்தப்படவில்லை என்றும் முன்னாள் பிரதமரான முஹ்யிதீன் கூறினார்.
“இது PN தலைவராக நியமிக்கப்பட்டது மட்டுமே; பிரதமர் வேட்பாளர் குறித்து அல்ல. PAS துணைத் தலைவர் டத்தோ ஸ்ரீ துவான் இப்ராஹிம் துவான் மான் கூறியதையும் நான் மேற்கோள் காட்டுகிறேன். அவர் கூட இது PN தலைவருக்கான நியமனம் மட்டுமே என்று தெரிவித்தார்,” என அவர் கூறினார்.
Leave a Reply
Your email address will not be published. Required fields are marked *
தேடல்
செய்தி வகை
