வெள்ள அபாயம்! கல்வி அமைச்சு முன்னெச்சரிக்கை நடவடிக்கை

Shan Siva
24 Nov, 2025

கோத்தா பாரு, நவ 24: அடுத்த இரண்டு அல்லது மூன்று நாட்களில் ஏற்படும் எதிர்பாராத வானிலையைத் தொடர்ந்து, கல்வி அமைச்சகம் (MOE), வெள்ள பாதிப்பு தொடர்பான முன்னேற்பாடுகள் மற்றும் தயார்நிலை நடவடிக்கைகளை தீவிரப்படுத்தி வருகிறது. குறிப்பாக SPM தேர்வை சுமூகமாக நடத்துவதை உறுதி செய்வதில் கவனம் செலுத்துவதாகத் தெரிவித்துள்ளது.

வெள்ளத்தால் பாதிக்கப்படும் பகுதிகளில் மாணவர்களின் பாதுகாப்பை உறுதி செய்வதோடு, SPM தேர்வு எழுதும் மாணவர்கள் இடையூறு இல்லாமல் தங்கள் தேர்வை எழுதுவதை உறுதி செய்வதே இப்போது முன்னுரிமை என்று கல்வி அமைச்சர் ஃபத்லினா சிடெக் கூறினார்.

தேசிய பாதுகாப்பு மன்றம், காவல்துறை, தீயணைப்பு மற்றும் மீட்புத் துறை, சிவில் பாதுகாப்புப் படை (CDF) மற்றும் பிற நிறுவனங்கள் உட்பட பல்வேறு நிறுவனங்களின் ஒத்துழைப்பை உள்ளடக்கிய ஆயத்த முயற்சிகளின் ஒரு பகுதியாகவும் Op Payung நடவடிக்கை செயல்படுத்தப்பட்டுள்ளது என்றும் அவர் மேலும் கூறினார்.

Op Payung என்பது வெள்ளத்தின் போது மேற்கொள்ளப்படும் ஒரு நிலையான நடைமுறையாகும். மேலும் மாணவர்களின் பாதுகாப்பை, குறிப்பாக SPM தேர்வர்களை, உன்னிப்பாகக் கண்காணிக்க முடியும் என்பதை இது உறுதி செய்கிறது என்று நேற்று SK Tapang இல் உள்ள தற்காலிக வெளியேற்ற மையத்தை (PPS) பார்வையிட்ட பிறகு அவர் செய்தியாளர்களிடம் கூறினார்!

Your email address will not be published. Required fields are marked *

முக்கிய செய்தி