மலேசிய மகளிர் ஹாக்கி அணி ஆசியக் கோப்பையில் 0-5 என தோல்வி
- Tamil Malar (Reporter)
- 09 Sep, 2025
கோலாலம்பூர், செப். 10-
செய்தி-வெற்றி மைந்தன்
2025
ஆசிய மகளிர் ஹாக்கி கோப்பையில் சூப்பர் 4 சுற்றுக்கு
முன்னேறும் மலேசிய மகளிர் அணியின் நம்பிக்கை சீனாவின் ஹாங்சோவில் நசுக்கப்பட்டது.
குழு ஏ-யின் இறுதி ஆட்டத்தில், மூன்று முறை சாம்பியனான தென்
கொரியாவிடம் 0-5 என்ற கோல் கணக்கில் மலேசியா படுதோல்வி
அடைந்தது.
இந்தப் போட்டியில், அனுபவ வீராங்கனை செயோன் யூன்பி
முக்கிய பங்காற்றினார். அவர் 27 மற்றும் 30-ஆவது நிமிடங்களில் மூன்று நிமிட இடைவெளியில் இரண்டு கோல்களை அடித்து,
தென் கொரியாவை சூப்பர் 4 சுற்றுக்கு உறுதி
செய்தார்.
இதற்கு முன்னதாக, கிம் யூனின் பயிற்சியில்
இயங்கும் தென் கொரிய அணி, 12-ஆவது நிமிடத்தில் முதல் கோலைப்
பதிவு செய்தது. பின்னர், 39-ஆவது நிமிடத்தில் ஜியோங் டாபின் இரண்டாவது
கோலை அடித்தார்.
போட்டி முடிவதற்கு இரண்டு நிமிடங்கள் முன்பு, சோ ஹைஜின் ஒரு அற்புதமான கோலை அடித்து, தென்
கொரியாவின் வெற்றியை மேலும் வலுப்படுத்தினார். மலேசிய அணி இந்தப் போட்டியில் எந்த
கோலையும் அடிக்க முடியாமல் திணறியது, இது அவர்களின் சூப்பர் 4
கனவை நொறுக்கியது.
Leave a Reply
Your email address will not be published. Required fields are marked *
தேடல்
செய்தி வகை
