• Shan Siva
• 03 Jun, 2024

ஷா ஆலம், ஜூன் 3: இஸ்லாத்தின் வலிமை, மற்றும் சாரத்தை மையமாகக் கொண்ட மலேசியாவை ஒரு மடானி நாடாக மாற்ற  முஸ்லிம்களை பிரதமர் டத்தோஸ்ரீ அன்வார் இப்ராகிம் வலியுறுத்தியுள்ளார்.

இஸ்லாமிய நம்பிக்கை மற்றும் ஒழுக்கத்தின் வலிமையில் வேரூன்றி நாட்டின் வளர்ச்சியும் அடையப்பட வேண்டும் என்றும் அவர் கூறினார்.

நேர்மையை அதிகரித்து, அந்த உணர்வை  அன்றாட வாழ்க்கையில் ஏற்றுக்கொள்வோம் என்று அவர் கூறினார்.

நேற்று, இங்குள்ள ஷா ஆலம் ஸ்டேடியம் மைதானத்தில், சிலாங்கூர் துராத் இஸ்லாமிய விழாவுடன் இணைந்து நடத்தப்பட்ட “தாருல் எஹ்சான் பெர்சலாவத்” நிகழ்ச்சியின் உரையில் அவர் இவ்வாறு கூறினார்.

இந்நிகழ்ச்சியில் சிலாங்கூர்  மந்திதி பெசார் டத்தோஸ்ரீ அமிருதின் ஷாரி மற்றும் எகிப்தின் முன்னாள் கிராண்ட் முஃப்தி பேராசிரியர் டாக்டர் அலி ஜும்ஆ ஆகியோரும் கலந்து கொண்டனர்.

எல்லா சூழ்நிலைகளிலும் இடங்களிலும் இஸ்லாத்தின் உணர்வை உருவகப்படுத்துவதற்கும் நடைமுறைப்படுத்துவதற்கும் முஸ்லிம்கள் திரும்ப வேண்டும் என்றும் அன்வார் அழைப்பு விடுத்தார்.

வீட்டிலோ, பள்ளியிலோ, அலுவலகத்திலோ அல்லது அமைச்சுக்களில் அல்லது அரசாங்கப் பணியாளர்களில் கடமைகளைச் செய்யும்போது, ​​அத்தகைய முயற்சிகள் நேர்மையான மனசாட்சியுடன் இருக்க வேண்டும் என்று அவர் குறிப்பிட்டார்!