• Shan Siva
• 03 Aug, 2024

நிபோங் தெபால், ஆகஸ்ட் 3: பள்ளி நிகழ்ச்சிகளின் அமைப்பு மற்றும் நன்கொடைகள் விநியோகம் தொடர்பான பிரச்சினைகளை கையாளுவதை நிறுத்துமாறு கல்வி அமைச்சு (MoE) அனைத்து தரப்பினருக்கும் அறிவுறுத்தியுள்ளது.

இந்த விவகாரம் தீர்க்கப்பட்டுவிட்டதாகவும், தற்போதுள்ள வழிகாட்டுதல்களை நிலைநிறுத்துவதற்கான அமைச்சரவையின் முடிவை

பள்ளிகளுக்கான FIFA கால்பந்து திட்டம் மற்றும் FIFA பெண்கள் கால்பந்து பிரச்சாரத்தை தாசே பெர்மாய் தேசிய பள்ளியில் இன்று தொடக்கி வைத்த  பின்னர் கல்வி அமைச்சர்  ஃபத்லினா சீடேக் செய்தியாளர்கள் மத்தியில் இதனைத் தெரிவித்தார்.

இந்நிகழ்ச்சியில் மலேசிய கால்பந்து சங்கத்தின் (FAM) துணைத் தலைவர் டத்தோ எஸ். சிவசுந்தரமும் கலந்து கொண்டார்.

கடந்த மாதம் சீனப் பள்ளி ஒன்றில் மதுபான நிறுவனத்திடம் இருந்து நன்கொடை பெற்ற நிதி திரட்டும் நிகழ்ச்சியில் வீடமைப்பு மற்றும் உள்ளாட்சித் துறை துணை அமைச்சர் அய்மான் அதிரா சாபு கலந்துகொண்டபோது பள்ளி நன்கொடைகள் குறித்த சர்ச்சை எழுந்தது.

இதற்குப் பதிலளிக்கும் விதமாக, ஜூலை 26 அன்று நிகழ்ச்சிகளை ஒழுங்கமைத்தல் மற்றும் பள்ளி நன்கொடைகளை வழங்குவதற்கான தற்போதைய வழிகாட்டுதல்களைப் பராமரிக்க அமைச்சரவை ஒப்புக்கொண்டதாக கல்வி அமைச்சு அறிவித்தது!