• Shan Siva
• 20 Jul, 2024

அலோர் ஸ்டார், ஜூலை 20: நேற்றிரவு இங்குள்ள தாருல் அமான் ஸ்டேடியத்தில் கெடா தாருல் அமான் (கேடிஏ) எஃப்சி மற்றும் ஜோகூர் தாருல் தாசிம் (ஜேடிடி) இடையேயான எஃப்ஏ கோப்பை அரையிறுதி, முதல் லெக் போட்டியைக் காண காத்திருந்த 18 வயது இளம்பெண் ஒருவர் உயிரிழந்தார். .

இரவு 7 மணியளவில் ஸ்டாண்டில் அமர்ந்திருந்த இளம்பெண் சரிந்து விழுந்ததாக, கோத்தா ஸ்டார் காவல்துறைத் தலைவர் சித்தி நோர் சலாவதி சாத் தெரிவித்தார்.

கேடிஏ எஃப்சி மற்றும் ஜேடிடி அணிகளுக்கு இடையேயான கால்பந்து போட்டியை காண தனது இளைய சகோதரருடன் மைதானத்திற்கு வந்த  அந்த இளம்பெண், போட்டி தொடங்குவதற்கு முன்பு ஸ்டாண்டில் இருந்தபோது சுருண்டு விழுந்து சுயநினைவை இழந்தார்.

இந்தச் சம்பவத்தைப் பார்த்த பார்வையாளர்கள் உடனடியாக மைதானத்தில் பணியில் இருந்த சிவில் பாதுகாப்பு படையை தொடர்பு கொண்டு அந்த இளம்பெண்ணை சிகிச்சைக்காக சுல்தானா பஹியா மருத்துவமனைக்கு கொண்டு சென்றனர் என்று அவர் இன்று வெளியிட்டுள்ள அறிக்கையில் தெரிவித்துள்ளார்.

எனினும், அந்த இளம்பெண் இறந்துவிட்டதாக மருத்துவ அதிகாரிகள் உறுதி செய்தனர்.

அந்த இளம்பெண் சிறுவயதிலிருந்தே இதய நோயால் பாதிக்கப்பட்டவர் என்பது குடும்பத்தினருடன் நடந்த சோதனையில் தெரியவந்துள்ளது.

மரணத்திற்கான காரணத்தை சிக்கலான சயனோடிக் இதய நோய் என்று மருத்துவ அதிகாரிகள் உறுதிப்படுத்தினர் என்று அவர் கூறினார்.

முன்னதாக, தாருல் அமான் ஸ்டேடியத்தில் மருத்துவப் பணியாளர்கள்  ஸ்ட்ரெச்சரில் ஏற்றிச் செல்ல விரைந்ததைக் காட்டும் ஐந்து வினாடி வீடியோ கிளிப் சமூக ஊடகங்களில் வைரலானது!