• Shan Siva
• 19 Feb, 2025

கோலாலம்பூர், பிப் 19: இனப் பாகுபாடு எதிர்ப்புச் சட்டம் என்ற கருத்தை முன் வைத்திருப்பதன் மூலம் மலேசியாவின் "வேரூன்றிய" இன மற்றும் மத அமைப்புகளை வெல்ல முடியாது என்று பினாங்கு முன்னாள் முதல்வர் பி. ராமசாமி தெரிவித்துள்ளார்.

இன பாகுபாடு இன அவதூறுகளில் மட்டும் இல்லை, மாறாக அவற்றைத் தூண்டும் அரசியல் மற்றும் சமூக அமைப்புகளிலும் உள்ளது என்று அவர் கூறினார்.

அதிகாரிகள் இந்த அவதூறுகளைக் கண்டித்தாலும், அவை கடந்த காலத்திலிருந்து பெறப்பட்ட  அமைப்பின் அறிகுறிகள் என்றும், மேலும் எதிர்காலத்தில் நீடிக்க வாய்ப்புள்ளது என்றும் அவர் குறிப்பிட்டார்.

துரதிர்ஷ்டவசமாக, அரசியல்வாதிகள் இந்த இன அமைப்புகளை சவால் செய்வதற்குப் பதிலாக அவற்றை வலுப்படுத்த முனைகிறார்கள். ஏனெனில் அவற்றைப் பராமரிப்பது பெரும்பாலும் அரசியல் அதிகாரத்தை உறுதி செய்கிறது  என்று அவர் கூறினார்.

டிஏபி தலைவர் லிம் குவான் எங், அரசியல் பிரமுகர்கள் மற்றும் தீவிரவாதிகள் சம்பந்தப்பட்ட இனப் பிரச்சினைகளைக் கருத்தில் கொண்டு இனப் பாகுபாடு எதிர்ப்புச் சட்டத்தை இயற்ற வேண்டும் என்று முன்மொழிந்தார் என்பது குறிப்பிடத்தக்கது!