முதலீட்டாளர்களின் நம்பிக்கை மீண்டும் உயர்கிறது-தெங்கு ஜப்ருல்!
- Muthu Kumar
- 03 Oct, 2025
சிங்கப்பூர், அக்.3-
மலேசியாவில் முதலீட்டாளர்களின் நம்பிக்கை தெளிவாக மீண்டும் உருவெடுத்துள்ளது. இது அரசின் சீர்திருத்தங்கள், ஒத்துழைப்பு, புதுமைகள், மிகவும் உயர்தரமான, அனைவருக்கான பொருளாதாரத்தை உருவாக்கும் உறுதியின் மூலம் தூண்டப்பட்டு உள்ளது என்று முதலீடு, வர்த்தகம், தொழில் அமைச்சர் டத்தோ ஸ்ரீ தெங்கு ஜப்ருல் தெங்கு அப்துல் அஸிஸ் தெரிவித்தார்.
இன்று மலேசியா மிகவும் வலுவானதாகவும், திறன் கொண்டதாகவும் உள்ளது.மேலும், உலகளாவிய போட்டித்தன்மை தரவரிசையில் மீண்டும் உயர்வடைந்துள்ளது. மலேசியாவின் உலகளாவிய முதலீட்டாளர்களின் ரேடாரில் மீண்டும் தோன்றுதல் ஒரு தற்செயலல்ல, இது கவனமாக திட்டமிடப்பட்ட முடிவு. இருப்பினும், மலேசியா தனது அடைந்த சாதனைகளில் திருப்தியடையாது என்று அவர் கூறினார்.இது மில்கன் இன்ஸ்டிடியூட் ஏற்பாடு செய்த 2025 ஆசியா சம்மேளனத்தின் தொடக்க உரையை அவர் வழங்கும் போது கூறினார். எங்கள் ஏற்றுமதிகள் இன்னும் பல்வேறுபட்டவையாக உள்ளன. பசுமை தொழில்நுட்பம், மருத்துவ உபகரணங்கள், டிஜிட்டல் சேவைகள் வேகமாக வளர்ந்து, புதிய வளர்ச்சியின் தூண்களாக மாறியுள்ளன என்று அவர் சொன்னார்.
மலேசியாவின் பொருளாதாரம் சமீப காலங்களில் குறிப்பிடத்தக்க முன்னேற்றத்தை கண்டுள்ளது. அரசின் தொடர் சீர்திருத்தங்கள், வெளிநாட்டு முதலீடுகளை ஈர்க்க உதவியுள்ளன. உலக வங்கியின் செயல்பாட்டு எளிமை தரவரிசையில் மலேசியா 12ஆம் இடத்திற்கு உயர்ந்துள்ளது. இது 2024இல் 26ஆம் இடத்திலிருந்து கணிசமான முன்னேற்றமாகும்.
முதலீட்டாளர்களின் நம்பிக்கை, மலேசியாவின் டிஜிட்டல் பொருளாதாரத்தின் வளர்ச்சியால் ஏற்பட்டுள்ளது. டிஜிட்டல் பேமெண்ட்ஸ், ஈ-காமர்ஸ், பின் டெக் துறைகள் விரைவாக வளர்ந்து வருகின்றன. பசுமை தொழில்நுட்பத்தில் மலேசியாவின் முதலீடுகள்,நிலையான வளர்ச்சியை உறுதிப்படுத்துகின்றன.இந்த சம்மேளனத்தில், ஆசியாவின் முக்கிய பொருளாதாரத் தலைவர்கள் கலந்து கொண்டு, வர்த்தகம், முதலீடு, புதுமைகள் குறித்து விவாதிக்கின்றனர்.
Leave a Reply
Your email address will not be published. Required fields are marked *
தேடல்
செய்தி வகை
