MAEPS சார்பாக நடைபெறவுள்ள 68வது தேசிய தின கொண்டாட்ட அன்வார் சிறப்பு உரை!
- Muthu Kumar
- 29 Aug, 2025
கோலாலம்பூர், ஆக 29:
இந்த ஆண்டு 68வது தேசிய தின கொண்டாட்டத்தை முன்னிட்டு மலேசியர்களிடையே ஒற்றுமை மற்றும் தேசபக்தியை ஊக்குவிக்கும் வகையில் பிரதமர் டத்தோஸ்ரீ அன்வார் இப்ராகிம் நாளை சிறப்பு உரை ஆற்றுகிறார்.
மலேசியா அக்ரோ எக்ஸ்போசிஷன் பார்க் செர்டாங்கில் (மேப்ஸ்) நடைபெறவுள்ள இந்நிகழ்ச்சியில், அரசு ஊழியர்கள், சீருடை அணிந்த பணியாளர்கள், கல்வியாளர்கள், மாணவர்கள், இளைஞர்கள், தொழிற்சங்கப் பிரதிநிதிகள், தொழில்முனைவோர், கூட்டுறவு நிறுவனங்கள், சிறு வணிகர்கள் என 4,000க்கும் மேற்பட்டோர் கலந்துகொள்வார்கள் என எதிர்பார்க்கப்படுகிறது.
துணைப் பிரதமர்கள் டத்தோஸ்ரீ டாக்டர் அகமட் ஜாஹிட் ஹமிடி மற்றும் டத்தோஸ்ரீ ஃபாடில்லா யூசோப், தேசிய ஒற்றுமைத்துறீ அமைச்சர் டத்தோ ஆரோன் அகோ டகாங் மற்றும் சிலாங்கூர் மந்திரி பெசார் டத்தோஸ்ரீ அமிருடின் ஷாரி ஆகியோர் விழாவில் கலந்து கொள்கின்றனர்.கலந்து கொள்ள முடியாதவர்கள் நேரடி தொலைக்காட்சி ஒளிபரப்பு அல்லது சமூக ஊடகங்கள் மூலம் பிரதமரின் உரையைப் பின்பற்றலாம்.
மலேசியர்களிடையே ஒற்றுமை உணர்வைத் தழுவி தேசபக்தியை வளர்ப்பதன் முக்கியத்துவம் குறித்த அரசாங்கத்தின் விருப்பங்களையும் நம்பிக்கைகளையும் தெரிவிக்க சிறப்பு உரை ஒரு தளமாக செயல்படுகிறது என்று ஆரோன் முன்பு கூறினார்.
Leave a Reply
Your email address will not be published. Required fields are marked *
தேடல்
செய்தி வகை
