• Shan Siva
• 19 Jul, 2025

கோலாலம்பூர், ஜூலை 19: புதிதாக நியமிக்கப்பட்ட எட்டு மேல்முறையீட்டு நீதிமன்ற நீதிபதிகளும், 14 உயர் நீதிமன்ற நீதிபதிகளும் ஜூலை 28 ஆம் தேதி பதவியேற்க உள்ளனர்.

நீதித்துறை நியமன ஆணையத்தின் மதிப்பீடு, மலாய் ஆட்சியாளர்களுடனான கலந்துரையாடல்கள் மற்றும் மாட்சிமை தங்கிய மாமன்னரின் ஒப்புதல் உள்ளிட்ட அனைத்து தேவையான நிலைகளையும் கடந்து நியமன செயல்முறை நடந்ததாக பிரதமர் அன்வார் இப்ராஹிம் கூறியதாக பெர்னாமா செய்தி வெளியிட்டுள்ளது.

இது ஏன் முன்கூட்டியே அறிவிக்கப்படவில்லை என்று பலர் கேட்டுள்ளனர். நீதிபதிகளை நியமிக்கும் செயல்முறை மாமன்னரின் ஒப்புதலை உள்ளடக்கியது என்பதால் தன்னால் தன்னிச்சையாக பதிலளிக்க முடியாது என்று அன்வார் கூறினார்.

இது ஆட்சியாளர்களுடன் கலந்துரையாடல்களை மேற்கொள்ள வேண்டும், அது ஒப்புக் கொள்ளப்பட்ட பிறகு, அது மீண்டும் மாமன்னருக்கு ஒப்புதலுக்காக கொண்டு வரப்படும் என்று அவர் இன்று பினாங்கின் பெர்மாத்தாங் பாவ்வில் பூமிபுத்ரா மாஸ்டர் பிளான், துனாஸ் மடானி மற்றும் ஒரு வீட்டுவசதி திட்டத்தைத் தொடங்கி வைத்து பேசுகையில் இவ்வாறு கூறினார்.

சில கட்சிகள் சித்தரித்தபடி எந்த நீதிபதிகளும் நீக்கப்படவில்லை அல்லது பணிநீக்கம் செய்யப்படவில்லை என்று அவர் கூறினார். மாறாக, புதிய நீதிபதிகளைத் தேர்ந்தெடுக்கும் செயல்முறை கவனமாகவும் அரசியலமைப்பு முடியாட்சி முறைக்கு முழு மரியாதையுடனும் செய்யப்பட வேண்டும் என்று அவர் மேலும் கூறினார்!