தஞ்சோங் மாலிம் அருகே கார் மோதியதில் ஒரு பெண் உயிரிழந்தார்!
- Muthu Kumar
- 21 Oct, 2025
தஞ்சோங் மாலிம், அக் 21:
தஞ்சோங் மாலிம் அருகே நேற்று கார் மோதியதில் ஒரு பெண் உயிரிழந்தார் மற்றும் அவரது கணவர் காயமடைந்தார்.ஜாலான் பெர்சேகுடுவான் ஈப்போ-கோலாலம்பூரின் கி.மீ 96 இல் பிற்பகல் 3 மணியளவில் இந்த விபத்து நிகழ்ந்தது.
இந்த சம்பவம் குறித்து நேற்று மதியம் போலீசாருக்கு தகவல் கிடைத்ததாக முஅல்லிம் காவல்துறைத் துணைத்தலைவர் டிஎஸ்பி சுஹைமி முகமது தெரிவித்தார்.பாதிக்கப்பட்ட 32 வயதான நூர் சியுஹாதா முகமது யூசோஃப் சம்பவ இடத்திலேயே இறந்துவிட்டதாக அறிவிக்கப்பட்டது.
விபத்தில் அவரது 34 வயது கணவருக்கு லேசான காயம் ஏற்பட்டது.
முதல்கட்ட விசாரணையில், கணவர் ஓட்டிச் சென்ற டொயோட்டா வியோஸ் கார் ஈப்போவிலிருந்து கோலாலம்பூர் நோக்கிச் சென்றபோது, சறுக்கி, சாலைப் பிரிப்பானில் மோதி எதிர் பாதையில் திரும்பியது” என்று சுஹைமி கூறினார்.நூர் சியுஹாதாவின் உடல் மேலதிக நடவடிக்கைகளுக்காக ஸ்லிம் ரிவர் மருத்துவமனைக்கு அனுப்பப்பட்டது.
அவரது கணவர் அதே மருத்துவமனையில் சிகிச்சை பெற்று வருகிறார்.
Leave a Reply
Your email address will not be published. Required fields are marked *
தேடல்
செய்தி வகை
