பள்ளிகளின் நற்பெயரைக் காப்பாற்ற 'bullying' போன்ற சம்பவங்களை பள்ளிகள் மறைக்கக்கூடாது! - பிரதமர் வேண்டுகோள்
- Shan Siva
- 17 Jul, 2026
கோலாலம்பூர், ஜூலை 17: தங்கள் நற்பெயரைக் காப்பதற்காக பள்ளியில் நிகழும்
கொடுமைப்படுத்துதல் சம்பவங்களை பள்ளிகள் மறைக்கக் கூடாது என்று பிரதமர் அன்வர்
இப்ராஹிம் இன்று நினைவூட்டினார். பாதிக்கப்பட்டவர்களைப் பாதுகாக்கவும், இப்பிரச்சனையைத் திறம்படக் கையாளவும் விரைவான
நடவடிக்கை அவசியம் என்றும் அவர் வலியுறுத்தினார்.
1,000 மாணவர்கள் உள்ள
ஒரு பள்ளியில் இரண்டு கொடுமைப்படுத்துதல் வழக்குகள் பதிவானால், தலைமை ஆசிரியரையோ அல்லது முதல்வரையோ குறை
சொல்லக்கூடாது. சம்பவத்தைப் புகாரளித்ததற்காக அவர்கள் மீது எந்தத் தவறும் இல்லை,
ஆனால் அவர்கள் எந்த நடவடிக்கையும் எடுக்காமல்
இந்த வழக்கை மூடிமறைத்தால் அது தவறு, என்று பண்டார் என்ஸ்டெக்கில் கல்வி அமைச்சர்
ஃபத்லினா சிடேக் கலந்துகொண்ட ஒரு நிகழ்வில் அவர் கூறினார்.
கடந்த காலத்தை
விட மதக் கல்விக்கான அணுகல் பரவலாக இருந்தபோதிலும், மாணவர்களிடையே நல்ல குணத்தையும் தார்மீக விழுமியங்களையும்
வளர்ப்பதற்கான முயற்சிகளில் உள்ள குறைபாடுகளையே கொடுமைப்படுத்துதல் தொடர்வது
பிரதிபலிக்கிறது என்று அன்வார் கூறினார்.
கல்வியானது,
கல்வியில் சிறந்து விளங்கும் பட்டதாரிகளையோ
அல்லது தொழில்நுட்பத் திறன்கொண்ட நிபுணர்களையோ உருவாக்குவதில் மட்டும் கவனம்
செலுத்தாமல், மனித மாண்புகளைப்
புரிந்துகொண்டு மற்றவர்களை மதிக்கும் தனிநபர்களையும் வளர்க்க வேண்டும் என்று அவர்
கூறினார்.
Leave a Reply
Your email address will not be published. Required fields are marked *
தேடல்
செய்தி வகை
