தேனிலவுக்கு நேரமில்லை! உடனடியாக செயல்தான் – டத்தோஸ்ரீ ரமணன்
- Shan Siva
- 19 Dec, 2025
கோலாலம்பூர், டிச 19: பலருக்கு உதவி தேவைப்படுவதால், தேனிலவு காலத்திற்கு நேரமில்லை என்று புதிதாக நியமிக்கப்பட்ட மனிதவள அமைச்சர் டத்தோஸ்ரீ ஆர். ரமணன் கூறினார்.
சுங்கை பூலோ நாடாளுமன்ற
உறுப்பினருமான அவர், நேற்று தனது மனிதவள அமைச்சின் பணிக்கான முதல்
நாளில், அமைச்சின் பொதுச்
செயலாளர் டத்தோ அஸ்மான் முகமது யூசோப் மற்றும் உயர் தலைமையிடமிருந்து ஒரு
விளக்கத்தைப் பெற்றதாகக் கூறினார்.
உதாரணமாக, சிங்கப்பூரில் வேலை செய்வதற்கும்
மலேசியாவுக்குத் திரும்புவதற்கும் ஒவ்வொரு நாளும் சுமார் 400,000 மலேசியர்கள் எல்லையைக் கடக்கின்றனர். விபத்து
போன்ற ஏதாவது நடந்தால் அவர்கள் பாதுகாக்கப்படுவதை உறுதி செய்வதற்கான வழி இருக்க
வேண்டும் என்று அவர் இன்று பெர்கேசோ தலைமையகத்திற்குச்
சென்ற பிறகு ஒரு செய்தியாளர் கூட்டத்தில் கூறினார்.
நேற்று, மாற்றியமைக்கப்பட்ட அமைச்சரவையில் புதிதாக
நியமிக்கப்பட்ட உறுப்பினர்கள் களமிறங்குவார்கள் என்று எதிர்பார்க்கப்படுகிறது,
ஏனெனில் தேனிலவு காலம் இருக்காது என்று பிரதமர்
டத்தோஸ்ரீ அன்வார் இப்ராஹிம் கூறினார்.
புதிய மத்திய அமைச்சர்கள்
மற்றும் துணை அமைச்சர்கள் பதவியேற்றதைத் தொடர்ந்து நடந்த முதல் அமைச்சரவைக்
கூட்டத்தின் போது பிரதமர் இதை தெளிவுபடுத்தியதாக தகவல் தொடர்பு அமைச்சர் டத்தோ
ஃபாஹ்மி ஃபட்ஸில் கூறினார்.
எனவே, பிரதமர் சொன்னது உண்மைதான்; தேனிலவுக்கு நேரமில்லை. உடனடியாக, புதிதாக நியமிக்கப்பட்ட அமைச்சர்கள் மற்றும்
துணை அமைச்சர்கள் என எல்லோரு எங்கள் வேலையைக் கவனிக்கப்போகிறோம் என்று அரவ் தெரிவித்தார்.
புதிதாக நியமிக்கப்பட்ட
பல அமைச்சர்கள் மற்றும் துணை அமைச்சர்கள் பதவியேற்ற பிறகு வீட்டிற்குச் சென்று
உடைகளை மாற்ற விரும்பலாம் என்றாலும், பிரதமர் நேராக அலுவலகத்திற்குச் சென்றார் என்று அவர் மேலும் கூறினார்.
எனவே தாம் அதைத்தான்
செய்ய விரும்புவதாகவும், அடுத்த சில நாட்களில்,
அமைச்சகத்தையும் அதன் கீழ் உள்ள
நிறுவனங்களையும் அறிந்துவைத்துக்கொள்வேன் என்றும் ரமணன் தெரிவித்தார்!
Leave a Reply
Your email address will not be published. Required fields are marked *
தேடல்
செய்தி வகை
