ஆப்கானிஸ்தான் எல்லைப் பகுதியில் பாகிஸ்தான் தாக்குதல்; 29 தீவிரவாதிகள் உயிரிழந்ததாகத் தகவல்
- Surendran Sumdraraj
- 29 Jun, 2026
இஸ்லாமாபாத், ஜூன் 29 –
ஆப்கானிஸ்தான் எல்லைப் பகுதிகளில் பாகிஸ்தான் ராணுவம் நடத்திய தரைவழி மற்றும் வான்வழித் தாக்குதல்களில் 29 தீவிரவாதிகள் கொல்லப்பட்டதாகப் பாகிஸ்தான் அரசு தெரிவித்துள்ளது. இந்த நடவடிக்கை இரு நாடுகளுக்கும் இடையிலான பதற்றத்தை மேலும் அதிகரித்துள்ளது.
பாகிஸ்தான் தகவல் அமைச்சர் அத்தாவுல்லா தரார் கூறுகையில், பாக்தியா, பக்திகா மற்றும் குனார் மாகாணங்களில் இருந்த மூன்று தீவிரவாத முகாம்கள் துல்லியமான தாக்குதலில் அழிக்கப்பட்டதாகவும், அங்கு பதுக்கி வைக்கப்பட்டிருந்த ஆயுதங்கள் மற்றும் வெடிமருந்துகளும் அழிக்கப்பட்டதாகவும் தெரிவித்தார். இந்த நடவடிக்கை சமீபத்தில் பாகிஸ்தானில் நடைபெற்ற பயங்கரவாதத் தாக்குதல்களுக்குப் பதிலடியாக மேற்கொள்ளப்பட்டதாக அவர் கூறினார்.
ஆனால், ஆப்கானிஸ்தானின் தலிபான் அரசு இந்த தாக்குதலைக் கடுமையாகக் கண்டித்துள்ளது. தாக்குதலில் பெண்கள் மற்றும் குழந்தைகள் உட்பட 38 பொதுமக்கள் உயிரிழந்ததுடன், 163 பேர் காயமடைந்துள்ளனர் என்று ஆப்கான் அதிகாரிகள் குற்றம்சாட்டியுள்ளனர். இந்த குற்றச்சாட்டை பாகிஸ்தான் மறுத்து, தாக்குதல் முழுமையாக தீவிரவாத முகாம்களை மட்டுமே குறிவைத்ததாக வலியுறுத்தியுள்ளது.
Leave a Reply
Your email address will not be published. Required fields are marked *
தேடல்
செய்தி வகை
