பெர்சாத்துவுடன் கூட்டணியை மறுபரிசீலனை செய்யும் பாஸ்?

Surendran Sumdraraj
22 May, 2026

மாராங், மே 22-

பெரிக்காத்தான் நேஷனல் (PN) கூட்டணியில் இடம்பெற்றுள்ள பெர்சாத்து கட்சியுடன் கொண்டுள்ள ஒத்துழைப்பை பாஸ் கட்சி மறுபரிசீலனை செய்ய உள்ளதாக அக்கட்சித் தலைவர் Abdul Hadi Awang தெரிவித்துள்ளார். பெர்சத்து கட்சி மேற்கொண்ட சில நடவடிக்கைகள் கூட்டணி நட்புறவின் உணர்வுக்கு முரணாக உள்ளதாகவும் அவர் குற்றஞ்சாட்டியுள்ளார்.

திரெங்கானுவின் மாராங் பகுதியில் நடைபெற்ற செய்தியாளர் சந்திப்பில் பேசிய ஹாடி அவாங், பெர்சாத்து கட்சி சமீபத்தில் எடுத்த சில முடிவுகள் பாஸ் கட்சிக்கு அதிருப்தியை ஏற்படுத்தியுள்ளதாகக் கூறினார். குறிப்பாக, கெடா மாநில அரசின் சில EXCO உறுப்பினர்கள் மற்றும் கிளந்தான் சட்டமன்ற துணை சபாநாயகர் Datuk Mohamed Farid Mohamed Zawawi ஆகியோரை பெர்சாத்து கட்சி பதவியில் இருந்து நீக்கியது கூட்டணிக்குள் பதற்றத்தை உருவாக்கியுள்ளதாகத் தெரிவித்தார்.

“ஒரு கட்சியின் உறுப்பினர்களை மாற்றுவது அல்லது நீக்குவது போன்ற நடவடிக்கைகள் எளிதாக மேற்கொள்ளப்படக் கூடாது. அதற்கான காரணங்கள் உறுதியானதாக இருக்க வேண்டும். ஒரு கட்சியின் செயல்திறனைப் பாதிக்கும் சூழ்நிலை இருந்தால்தான் இத்தகைய நடவடிக்கை நியாயமாகும்,” என்று ஹாடி அவாங் வலியுறுத்தினார்.

மேலும், கூட்டணி கட்சிகளுக்கிடையேயான நம்பிக்கை மற்றும் ஒற்றுமை பாதுகாக்கப்பட வேண்டும் என்றும், ஒருதலைப்பட்ச முடிவுகள் கூட்டணியின் எதிர்காலத்தைப் பாதிக்கக்கூடும் என்றும் அவர் எச்சரித்தார்.

Your email address will not be published. Required fields are marked *

முக்கிய செய்தி